ئەمڕۆ چوارشەممە سەرۆك وەزیرانی ئیسڕائیل پەیوەندییەكی تەلەفۆنی لەگەڵ سەرۆكی ئەمەریكا ئەنجامداوە و هەردوولا وەڵامدانەوەی هێرشەكەی ئێرانیان تاوتوێ كردووە.
تەلەفزیۆنی 12ی ئیسڕائیل بڵاوی كردەوە: بنیامین نەتانیاهۆ سەرۆك وەزیرانی ئیسڕائیل پەیوەندییەكی تەلەفۆنی لەگەڵ جۆ بایدن سەرۆكی ئەمەریكا ئەنجامداوە.
بڵاویشی كردەوە: هەردوو سەرۆك باسیان لە كات و شێواز و پلانی وەڵامدانەنەوەی هێرشەكەی ئێرانیان كردووە.
پێشتریش بەپرسێكی ئیسڕائیلی رایگەیاندبوو: لە پەیوەندییە تەلەفۆنییەكەی ئەمڕۆ چوارشەممەی نەتانیاهۆ و بایدندا بڕیاری كۆتایی لەبارەی كات و شێوازی وەڵامدانەوەی هێرشەكەی ئێران دەدرێت.
پێشبینیشی كردبوو كە لە پەیوەندییە تەلەفۆنییەكەدا بڕیار لەسەر ئەو شوێنانە بدرێت كە ئیسڕائیل هێرشی بكاتەسەر، جەختیشی كردبووەوە كە هێرشەكە بەمنزیكانە و زۆر بە نهێنی ئەنجام دەدرێت هاوشێوەی ئۆپەڕاسیۆنەكەی كوشتنی ئیسماعیل هەنییە سەرۆكی پێشووی بزووتنەوەی حەماس لە تارانی پایتەختی ئێران.
وەڵام بدەوه