دەستی پێکرد ، مژدەی خۆش بۆ هاوڵاتیانی ئەو سنورە هات

دەقی هەواڵ:

کارکردن لە پڕۆژەی دروستکردنی شەقامە ناوخۆییەکان و دوو شەقامی سەرەکی لە کەرتی باغلومنارەی شاری هەولێر بە چڕی بەردەوامی هەیە. پڕۆژەکە لەلایەن سەرۆکایەتیی شارەوانیی هەولێرەوە جێبەجێ دەکرێت و بڕیارە پێش دەستپێکردنی وەرزی زستان کارەکانی کۆتایی پێبێت.

تایبەتمەندی و وردەکارییەکانی پڕۆژەکە:

تەواوکاریی ژێرخان: دروستکردنی تەواوی شەقامە ناوخۆییەکان، جێبەجێکردنی تۆڕی ئاوەڕۆ و دانانی تۆڕی ئاوی خواردنەوە.

شەقامە سەرەکییەکان: دروستکردنی دوو شەقامی سەرەکی بە پانی 60 مەتر.

کەمکردنەوەی قەرەباڵغی: هەردوو شەقامە 60 مەترییەکە ڕۆڵێکی ڕاستەوخۆیان لە ئاسانکردنی هاتووچۆی هاووڵاتییان دەبێت؛ بە شێوەیەک یەکێکیان ڕێگای سەرەکیی موسڵ بە ڕێگای مەخموور دەبەستێتەوە و ئەوەی دیکەشیان شەقامی 120 مەتری بە شەقامی 150 مەترییەوە دەبەستێتەوە.

گوژمەی پڕۆژە: تێچووی کۆتایی پڕۆژەکە 63,887,000,000 (شەست و سێ ملیار و هەشت سەد و هەشتا و حەوت ملیۆن) دینارە.

#Kurdistanpress