ئه‌نتۆنیۆ گۆتێرێس سكرتێری گشتی نه‌ته‌وه یه‌كگرتوه‌كان ئه‌مڕۆ یه‌كشه‌ممه ڕایگه‌یاند، ئۆپراسیۆنی سه‌ربازی ئیسرائیل له غه‌ززه گه‌یشتوه‌ته ئاستێكی بێ وێنه له مردن و وێرانكاری.
ئه‌نتۆنیۆ گۆتێرێس له له وتارێكدا رایگه‌یاندوه، "پێشتر هێرشه‌كانی حه‌ماسم سه‌ركۆنه كرد، به‌ڵام پێویسته دوربكه‌وینه‌وه له هه‌وڵی سه‌پاندنی سزای به‌كۆمه‌ڵ به‌سه‌ر خه‌ڵكی فه‌ڵه‌ستیندا".
ئه‌نتۆنیۆ گۆتێرێس له‌باره‌ی دۆخی لوبنانیشه‌وه هۆشداریدا كه مه‌ترسی هه‌یه لوبنان بۆ غه‌ززه‌یه‌كی دیكه له ناوه‌ڕاستی په‌ره‌سه‌ندنی شه‌ڕ و پێكدادانه‌كانی نێوان ئیسرائیل و حزبوڵای لوبنان بگۆڕێت.
ئه‌نتۆنیۆ گۆتێرێس باسی له‌وه‌شكردوه، "ئه‌وه‌ی من نیگه‌رانی ده‌كات مه‌ترسی گۆڕینی لوبنانه بۆ غه‌ززه‌یه‌كی دیكه"، ئاماژه‌ی به كه‌رتی فه‌ڵه‌ستین كرد، كه شه‌ڕێكی وێرانكه‌ر له نێوان ئیسرائیلدا به‌رده‌وامه.
وەڵام بدەوه