بە لارێدابردن و نانەوەی گرژی
هاوڵاتیانی هەرێمی کوردستان زۆر لەوە هۆشیارتر و چاوکراوەترن یەکێتی بیەوێ بە پروپاگندەی راگەیاندن و بەیتوبالۆرەی گەڕەلاوژێوە لە خشتەیان ببات و بیانخاتە سەماوە.
خەڵکی کوردستان بە سەرجەم چین وتوێژەکانەوە لە ئاستێکی باڵای هۆشیاری سیاسی و عەقڵی و کۆمەڵایەتیدان، یەکێتی بیەوێ کاڵایەکی هەرزان بە باڵایاندا ببڕێت و بەرەو لایەک ئاراستەیان بکات، جگە لە شکست هیچ دەسکەوتێکی تریان نابێت .
چوونە پاڵ بەرەی دارودەستی هێزە ئیقلیمیەکان و لەبیرخۆ بردنەوەی پەیام و دروشمە نیشتیمانی و نەتەوەییەکان و خۆڵ کردنە چاوی خەڵک لە رێگەی قیژەقیژی گوتارە سواو ونانیشتیمانیەکانەوە، بەهیچ پێوەرێک ناچێتە خانەی نیشتیمان پەروەریەوەو خاڵیە لە هەر جۆرە بەرپرسیارەتیەک بەرامبەر بە پاراستنی ئاسایش و یەکڕیزی و گیانی تەبایی نێوان چین و توێژە کۆمەڵایەتیەکانی کوردستانەوە.
مێژوو پێمان دەڵێ هەمیشە ئەو هێزو بزوتنەوانە براوەی موتڵەقی ئەم جۆرە ململانێیەن، بەرەی گەلیان لە بری بەرەی بێگانە هەڵبژاردووەو سەرکەوتن و سەربڵندیش هەر بۆ ئەوانە.
وەڵام بدەوه