بەغدا گوژمەیەکی تر پارە بۆ هەرێمی كوردستان دەنێرێت

دوای دوو مانگ لە بەڕێوەچوونی هەڵبژاردنی خولی شەشەمی پەرلەمانی کوردستان، سەرەتای هەفتەی داهاتوو پارەی کارمەندانی کۆمیسیۆن بۆ بانکەکانی هەرێمی کوردستان دەگوازرێتەوە و دەست بە دابەشکردنی دەکرێت.
 
 لە هەڵبژاردنی خولی شەشەمی پەرلەمانی كوردستان کە لەلایەن کۆمیسیۆنی هەڵبژاردنەکانی عێراق سەرپەرشتی کرا، 42 هەزار كەس وەک كارمەند لەسەر سندووقەكانی دەنگدان بوون، كۆمیسیۆن 150 بۆ 250 هەزار دیناریان بۆ خەرج دەکات.
 
 جومانە غەلای، گوتەبێژی کۆمیسیۆنی هەڵبژاردنەکانی عێراق ڕایگەیاند: ڕۆژی یەکشەممە پارەکە دەگوازرێتەوە سەر هەژماری بانکەکانی هەرێمی کوردستان، ئۆفیسی هەر پارێزگایەک بە جیا پارەکە وەردەگرێت و بەسەر کارمەندانی کۆمیسیۆن دابەشی دەکات.
 
 نەبەرد عومەر، سەرۆکی دەستەی هەڵبژاردنەکانی هەرێمی کوردستان  ڕایگەیاند: بەهۆی پشووەوە دابەشکردنیپارەی کۆمیسیۆن دەکەوێتە ساڵی نوێ. 
 
 كۆمیسیۆن 150 هەزار دینار بۆ ئەو کارمەندانە خەرج دەکات کە کارمەندی حکومەتن، 250 هەزار دینار بۆ دەرچووانی زانکۆ و پەیمانگەکان، کارمەندە یەدەگەکانیش لەنێوان 50 بۆ 100 هەزار دینار وەردەگرن