فوئاد حوسێن، وەزیری دەرەوەی عێراق ڕایگەیاند، ناوچەكە ڕوبەڕوی ئالنگارییەكی چارەنوسساز دەبێتەوە و ئەوان وەكو عێراق ڕیگەنادەن ئاسمانی وڵاتەكە وەك بەشێك لە جەنگەكە بەكاربهێندرێت
فوئاد حوسێن ئەمڕۆ یەكشەممە لەمیانی کۆنگرەیەکی ڕۆژنامەوانی لەگەڵ عەباس عێراقچی هاوتا ئێرانیەكەی لە بەغدا ڕایگەیاند، لەگەڵ بەردەوامی دەستدرێژییەكان بۆ سەر كەرتی غەززە و لوبنان، ناوچەكە ڕوبەڕوی ئالەنگارییەكی چارەنوسساز دەبێتەوە.
ئاماژەی بەوەشكرد، حکومەتی عێراق هۆشداری دەدات لە فراوانکردنی مەودای شەڕ لە ناوچەکەدا و ئەوان وەك عێراق ڕیگەنادەن ئاسمانی وڵاتەكە وەك بەشێك لە جەنگەكە بەكاربهێندرێت.
وەزیری دەرەوەی عێراق باسی لەوەشكرد، حكومەتی عێراق بڕیاری ئەوەی نەداوە بەشداری شەڕەكان بكات و ملكەچی بڕیارەكانی هەر سێ دەسەڵاتەكەی عێراق دەبن.
ئەوەشی خستەڕو، بەردەوامی جەنگەكانی ناوچەكە كاریگەری لەسەر كەرتی گەشتیاری هەیە و دبێتە هۆی دروستبونی قەیرانی نێودەوڵەتی وزە و دوپاتی دەكەنەوە فراوانكردنی مەودای شەڕ و بەكارهێنانی عێراق قبوڵ نەكراوە.
وەڵام بدەوه