بڕیاری سەرۆکی حکومەتی هەرێمی کوردستان سەبارەت بە پێشکەش کردنی داشکانی 100%ی خزمەتگوزاری تەندروستیەکان لە بنکەو نەخۆشخانە حکومیەکان و داشکاندنی 50% لە نەخۆشخانە ئەهلیەکان بۆ بنەماڵەی شەهیدان و ئەنفالکراوان، جێی دەستخۆشی لێکردنە.
بنەماڵەی شەهیدان و ئەنفال لە هەرێمی کوردستان ساڵانێکە بە دەم دەیان دەردو نەخۆشی و کێشە تەندروستی و دەروونیەکانی لە دەستدانی ئازیزانیانەوە دەناڵێنن.
ئەم توێژە لەتوێژە هەرە بێ دەرەتان و مەغدورەکانی کۆمەڵگان و لە رووی دارایی و ئابوریەوەبێ کێشە نین و ژیان و گوزەرانێکی سە خت دەگوزەرێنن.
لە ساڵانی رابردوودا نرخی پشکنین وسەردانیکردنی بنکەتەندروستی و نەخۆشخانە ئەهلیەکان لە هەرێمی کوردستان هاوکات لەگەڵ قەیرانە ئابوریەکان و بڕینی شایستە داراییەکانی هەرێم لەلایەن بەغداوە، رووەو هەڵکشان بووە.
ئەم بارگرانیەش لەپاڵ تلانەوەی بنەماڵەی شەهیدان و ئەنفالکراوان بە دەیان کێشەی تەندروستی و نەخۆشیەوە، دۆخی ژیان و گوزەرانی ئەم توێژەی تا بڵێی سەخت و ناهەموار کردووە.
بۆیە بریارێکی لەمجۆرە تا ئاستێکی باش چارەسەرێکی باشە بۆ بەشێک لە کێشەو گرفتەکانی بنەماڵەی شەهیدان و ئەنفالکراوانەوە.
وەڵام بدەوه