یەک دەرزەن حزب و حزبۆکەو تاقم و دەستەو بزاڤی کوردیمان هەیە لە گۆڕەپانی سیاسی لە هەرێمی کوردستاندا.
سەرلەبەری ئەو حزبانەی لە حوکومەت و مەنزومەی حوکومرانی هەرێمی کوردستاندانین، لە جیاتی رەخنەی بونیادنەرو بەرچاوروونی و پشتگیری و پشتیوانی کردن لە حکومەتی هەرێم، ئەرکی خۆیان لەم قۆناغە هەستیارەدا لەوە کورت کردۆتەوە دژایەتی حکومەت و دامودەزگاکانی بکەن و نائومێدی بڵاو بکەنەوە.
بەشێک لەم حزب و حزبۆکانە لە بری هەوڵدان بۆ پاراستنی هێمنی و قسەی خێر، بەردەوامن لەسەر بڵاوکردنەوەی نائومێدی و تووڕەکردنی هاوڵاتیانەوە. چەند هەوڵێکی شاراوەش هەن بە ئاراستەی گرژی و رووبەرووژردنەوەی جەماوەر لەگەڵ حکومەت و لەباربردنی هەرێم و شەرعیەتەوە.
شەرعیەتی حزب لەهەر کۆمەڵگایەک لەو جەماوەرەوەیە دەنگی پێ دەدات و پاڵپشتیەتی.
بەشێک لە حزب و حزبۆکە کوردستانیەکان خاوەنی ئەم شەرعیەتە جەماوەریە نین و بە سود وەرگرتن لە کەشی دیموکراسیەوە، کارلەسەر تێکدانی دۆخی هەرێم و قوڕاوات کردنی فەزای گشتی و ختوکەدانی جەماوەر دەکەنەوە.
هیوای ئەم حزبانە لە پاڵ بێ بەها کردنی کردنی سیاسەت و سیاسیەکان، چنینەوەی چەند دەسکەوتێکی کەم و گرەوکردنە لەسەر ئەسپێکی تۆپیوەوە.
وەڵام بدەوه