لە دواخستنی هەڵبژاردنەوە بۆ دواخستنی پێکهێنانی حکومەت

لە دواخستنی هەڵبژاردنەوە بۆ دواخستنی پێکهێنانی حکومەت 
یەکێتی نیشتیمانی کوردستان چەندین مانگ ئەنجامدانی هەڵبژاردنەکانی کوردستانی دواخست و ئامادەنەبوو ئەنجام بدرێت.
بروبیانووەکانی یەکێتی نەک هەر لۆژیکی  نەبوون، بگرە هیچ بنەمایەکی یاساییان نەبوو. 
یەکێتی باش دەیزانی ئەنجامدانی هەڵبژاردنەکان سەنگ و قورسایی ڕاستەقینەی ئەو حزبە دەردەخات و دەبێتە تاپۆیەکی یاسایی و بەڵگەیەکی قانونی بۆ سەلماندنی ئاستی پێگەی جەماوەریی ئەم حزبە لەسەر ئاستی کوردستاندا. 
دوای هەوڵ و کۆششە شێلگێرانەکانی  پارتی و ئەنجامدانی هەڵبژاردنەکان و ئاشکراکردنی دەرەنجامەکان، دەرکەوت ئاستی پێگەی جەماوەری یەکێتی لە کۆمەڵگای کوردستان چەند و چۆنە. ژمارەی کوردسیەکانی یەکێتی دەریان خست ئەم حزبە لە رووی جەماوەریەوە لە پاشەکشەیەکی گەورە دایەو بەم حاڵەیەوە ناتوانێ داوای پۆست و بەرپرسیارەتی گەورە لە کابینەی دەهەمدا بکات. 
ئەو دەستی دەستی کردن و  گرێدانی هاوپەیمانی لەگەڵ نەوەی نوێ و جووڵە گومانیانەی یەکێتی حاڵی حازر پەنای بۆ بردووە، هەوڵێکی جدی و دووبارە بووەوەیە لەدەرەوەی دەرەنجامەکانی هەڵبژاردنەکانەوە،  بە ئاراستەی فەرزکردنی دووبارەی خواست و داواکاریە نالۆژیەکان کە پێکهێنانی کابینەی نوێدا. 
دەستی دەستی کردن و فشارەبەردەوامەکانی یەکێتی بۆ تەنگ پێ هەڵچنینی پارتی و سازش کردنی ئەم حزبە بۆ داواکاریە نالۆژیکیەکانی سەرۆکی یەکێتی،  هەموو سنوورێکی بەزاندووە. 
ئۆباڵی سەرەکی داخستنی پێکهينانی حکومەتی هەرێم بە پلەی یەک لە ئەستۆی یەکێتی و بافڵدایە. هەروەک فشارو تەنگ پێ هەڵچنینی پارتیش لە لایەن یەکێتیەوە بۆ ملدان بە داواکاریە نائاسایی و نایاساییەکانیان، هیچ دەرەنجامی دڵخۆشکەری لێناکەوێتەوەو حکومەتی نوێ هێندەی تر دوادەکەوێت.