چەکەکانی ئەمریکا

چەکەکانی ئەمریکا
تۆمەتبارکردنی پارتی لە بەردەم میدیایەکی ئەورووپی بەوەی چەکەکانی ئەمریکی شاردۆتەوە، درێژەی ئەو زنجیرە هەوڵانەیە سەرۆکی یەکێتی بۆ خۆبەفریشتەکردنی ماوەیەکە پەنای بۆ بردووەو وەک خێرو سەدەقە تۆمەت دەبەخشێتەوە. 
نمایشە سیاسی و شانۆگەریەکانی سەرۆکی یەکێتی هی ئەمڕۆ نین.  باڤڵ هاوشێوەی ( وان شۆ مەن) بۆ زیاتر قووڵ کردنەوەی ناکۆکیەکان و درزخستنە ناو یەکڕیزی نیشتیمانی هێزە سەرەکیەکانی هەرێم، هەموو هەوڵێک ئەدات و تواناکانی بۆ تێکدان خەست کردۆتەوە. 
جموجۆڵ و رەفتارە ناسیاسیەکانی ئەو تازە و جێی سەرسوڕمان نین.ناوبراو لەوەتەی لەتەکەی تری یەکێتی بە کودتا و سنیاریۆیەکی بەتاڵ، لەسەر خۆی تاپۆ کردووە، خەون بە پاڵەوان بازیەوە دەبینێ و خۆ لێ بووە بە رۆستەمی زاڵ. 
یەکێک پەرێزی پاک نەبێت و خۆی لە خانووی شووشەدا حەشاردا بێ و  شەوورۆژ بە سەفقاتی گوماناویەوە سەرقاڵ بێت، بەرد ناگریتە ماڵی خەڵکانی تر و تۆمەتی بێ بنەما و نابەرپرسانە نابەخشێتەوە.