تایبەتمەندی زۆربەی گێژاوە سیاسیەکان، بوونی کەشێکی سیاسی چەقبەستوو و عینادی کاراکتەرەکان و ئامادەبوونی کۆمەڵێک فاکتەری ناوەخۆیی و دەرەکیە کەوا وادەکات نائومێدی بۆ ماوەیەک، باڵی رەشی بەسەر کۆی گشتی پرۆسەی ژیان و جوڵەی کۆمەڵایەتی و ئابوریدا بکیشێ...
دەکرێ ھۆکارە دەرەکیەکان نادیدە بگرین، لێ ھۆکارە ناوەخۆییەکان بە گشتی نەمانی متمانە دواجار کۆمەڵگا دووچاری داڕزان و ھیلاکی و بێ ھیوایی و وەستان دەکەن.
ئەو دەردەی کۆمەڵێک بکەرو مەکەری بە ناو نارازیی و بەرهەڵستکار لە رێگەی بەکار هێنانی تۆڕە کۆمەڵایەتیەکانەوە بە شەقامی کوردی دەیکەن، هیچی کەمتر نیە لە هەڵمەتە بەدناوەکانی ئەنفال و وێران کردنی کەسایەتی تاکی کوردو هەڵتەکاندنی بونیادی کۆمەڵگای کوردی.
رووبەرووکردنەوەی چین و توێژەکانی کۆمەڵگا و ختوکەدانی هەستی دەنگە ناڕازیەکان و سواربوونی شەقامی کوردی بۆ هەرێمێکی وەک کوردستان، ئەوپەڕی نابەرپرسیارەتی نیشتیمانیە.
وەڵام بدەوه