ساڵانی شەڕی ناوەخۆو بگرەوبەردەی سەر گۆڕەپانی سیاسی و رووداوەکانی هەولێر بەر لە سی و یەکی ئابی ١٩٩٦، بڕگەیەکی مێژوویی گرینگ و شوێن سەرنج و تێڕامانە.
قۆناغی بەر لە ٣١ ی ئاب بۆ هەولێر و هەولێریەکان، بیرخەرەوەی سەردەمێکی تاڵە لە وێرانی و ئەو بەرەللاییەی باڵی بەسەر پایتەختی حکومەتی هەرێمدا کێشابوو.
تا بەر لەو مێژووە جۆرێک لە پاشاگەردانی و عەقڵیەتێکی نائیداری و گێرەشێوێنی و یاساشکێنی فەزای شاری تەنیبووەوە.
دامەزراوە هەڵبژێردراوەکانی هەرێم لە حکومەت و پەرلەمان و سەرلەبەری وەزارەتخانەکان لە رووی ئیداریەوە لە لایەن عەقڵیەتێکی دۆگماو کاراکتەرە نازانستی و نائەکادیمیە دژە ئاوەدانیەکانەوە بەڕێوە دەبران و سەرلەبەری دامودەزگا و سیستەمی حوکمرانی پەکی کەوتبوو و شکۆی شکابوو. هەولێر لە جوانی کەوتبوو.
لە دۆخی ئەوسای هەولێر هیچ هاوڵاتیەک لەسەرووماڵ و ژیان و ئاییندەی خۆی دڵنیا نەبوو. بازاڕی کاروکاسبی پەکی خرابوو و بێ متمانەیی گەل بەرامبەر بە حوکمرانی کورد و دۆخی دڵەراوکێی هاوڵاتیان بە هۆی نەمانی پرۆژە خزنەتگوزاریەکان و وێرانی لە پەرەسەندندابوو. نائومێدی و دڕدۆنگی باڵی بەسەر شاردا کێشابوو.
ئەشێ ساڵانی دوای ٣١ ئاب و رزگارکردنی هەولێر لەچنگ بکەرە سەربازیە پاشاگەردانە نائیداریە ئاژاوگێڕەکان، بەسەردەمی زێڕینی دووبارە لە دایک بوونەوەی هەولێرو هەناسەدانێکی تازەوە وێنا بکەین.
٣١ ی ئاب بە پێچەوانەی قەڵەم فرۆش و زڕە نووسەرە بەرتیل خۆرەکانی ئاخوری پیس خۆری و هەلپەرەستە رێوی سیفەتەکانەوە، خاڵێکی بایەخدار و پرشنگداری نمونەی حوکومرانی سەرکەوتووی پارتیە لە مێژووی بزاڤی رزگاریخوازی کوردەوە.
لە ٣١ ی ئابدا هەولێر و حکومەت ئاشت بوونەوەو هاوئاهەنگ و هاوهەنگاو بەرەو پێشەوە هەنگاویان نا.
هەقە ئەو لەشکەرە پیسخۆرەی ٣١ ی ئاب بە رووداوێکی تاڵ وێنا دەکەن و هەر بە هەوەس خۆیان سەغڵەت کردووە، ئاوڕێک لە دۆخی وێرانەی ئێستای سلێمانی و دوێنێی هەولێرو ئەمڕۆی هەولێر بدەنەوەو داوا لە پارتی بکەن حوکمی فعلی سلێمانی بگرێتە دەست و ئەم دەڤەرە لە چنگ عەقڵیەتی تاڵان و بڕۆو پاشاگەردانی و فرەکوێخاییە وێرانکارە رزگار بکات و شکۆی بۆ بگێڕێتەوە و رێ لەو ستەمە ئیداری و داراییە بگرێ دەرهەق بە شاری هەڵمەت و قوربانی و رۆڵە دڵسۆزو بە ئەمەکەکانیەوە دەکرێ.
وەڵام بدەوه