دەوڵەتی تائیفی

ئەوەی لەسەر گۆڕەپانی رووداوە سیاسیەکانی عێراقدا روودەدات و لایەنێکی دەرەکی  بە ئاشکراو بێ سڵەمینەوەو شەرم، ئەو پەڕی هەوڵەکانی خۆی بۆ سەپاندنی هەژمونی تائیفیەوە خستۆتەگەڕەوە، دەیان هێمای پرسیاری بونیادی و فەلسەفی،  دەخاتە سەر سیادەی دەوڵەتی عێراقی فیدراڵەوە و سەتان راڤەی سیاسی لێدەکەوێتەوە.

عێراقیەکان بە سەرجەم چین و توێژەکانەوە دوای رووخانی بەعس و ڕاماڵینی پاشماوەکانی هزری  بۆگەنی بەعسیسزم، بەهیوای هێنانەکایەی دەوڵەتێەوە بوون ڕەنگدانەوەی بەسەر سەرجەم بوارەکانی ژیانەوە هەبێ و حکومەتێکی دیموکراتی پلۆراڵ، بکارێ  لانی کەمی بنەماسەرەکیەکانی  ژیان و گوزەرانێکی شایستەیان بۆ فەراهەم بکات و گەلانی عێراق لەم بارودۆخە ئاڵۆزەوە بگوازێتەوە بۆ دۆخێکی باشتر و دڵنیاترو قۆناغ و وێستگەیەکی هیوابەخشترەوە.

جگەلەمەش عێراقیەکان هیواخوازبوون سەروەری یاسا، کۆمەڵێک دەرەنجامی باش و ئەرێنی  بەرچاوی لێبکەوێتەوەو نیشتیمان و کۆمەڵگا لە سایەی قانون و شەفافیەت و پێکەوەژیان و یەکتر قەبوڵ کردن و سەرخستنی شەراکەتی راستەقینەوە، رووەو ئاسۆیەکی گەش  و  پڕ لە دڵنەوایی و دڵنیایی و متمانەوە هەنگاو بنێت.

لێ ئەوەی لەسەر ئەرزی واقعدا دەبینرێت تەواو پێچەوانەی چاوەروانیەکانە