با لە کوێوە هەڵبکا، شەنی خۆیان لەوێ دەکەن

لە هەموو قۆناغ و لە گشت کۆمەڵگایەکدا هەمیشە کۆمەڵە کەسانێکی هەلپەرەست و چاوچنۆک هەن، بەرژەوەندیان لە کوێ بوو، لەوێ حازر و ئامادەن. 

ئەم تایپە لە مرۆڤەکان با لە کوێوە هەلبکات، لەوێ شەنی خۆیان دەکەن و عەوداڵی دەست خستنی بەرژەوەندی و گەیشتن بە هیواو ئارەزووە تایبەتیەکانی خۆیانن. 

کۆمەڵگەی کوردیش بەدەر نیە لەم جۆرە بکەرانە. 
دۆخی هەرێمی کوردستان بمانەوێ و نەمانەوێ ڕاستەوخۆو ناڕاستەوخۆ دەکەوێتە ژێر کاریگەری گۆڕانکاریە هەرێمی و ئاڵۆزیەکان و ململانێی نێوان هێزولایەن و جەمسەربەندیەکانی گۆڕەپانی سیاسی عێراقەوە. 
بەڵام ئەوەی جێگری داخە دەرکەوتنی خەڵکانێکی گوماناوی و بەکرێ گیراوانی دەزگا هەواڵگریە دەرەکیەکانە، لێرەولەوێ و بە بۆنەو بێ بۆنە و بەرنامە بۆ دارێژراو دەکەونە وێزەی حکومەتی هەرێم و سوکایەتی بە کۆی گشتی ئەزمون و قەوارەی هەرێم و سەرۆک و سەرکردە کوردەکان دەکەن و لای خەڵکیش خۆیان بە نیشتیمان پەروەری عەیار 24 و نووسەرو رۆژنامەنووسی عەبقەری و بلیمەتی سیاسیەوە وێنا دەکەن.