دونیا ئەمڕۆمان دونیای پەیوەندی کردن و مێدیاو بەرهەمی شۆڕشی تەکنۆلۆجیاو زانیاریە.
پانتای ژیانی مرۆڤ لەم سەردەمەدا، بە زانیاری و زانست و رەهەندە بەرفراوانەکانی تۆڕە کۆمەڵایەتیەکان تەنراوەتەوە.
ئەم شۆڕشەی لە دونیای مێدیادا روویداوە، گۆڕانکاریەکی ریشەیی بەسەر کۆی مەفاهیمی رۆژنانەگەری و نووسین و مێدیای بینراوو بیسراوو نووسراودا هێناوە و بەرهەم و دەرەنجامەکانیشی بە هۆشیاری کۆمەڵگا تەواو بووەو رۆژانە بە چاوی خۆمان لێکەوتە و دەرەنجامەکانی دەیبینین و هەستی پێدەکەین.
مێدیای کوردیش بەدەر نەبووە لەم گۆڕان و وەرچەرخانە و تا ئاستێکی باش توانیویەتی لەگەڵ گۆڕانکاریەکان رێ بکات و هاوچەرخ بیر بکاتەوەو بیرۆکەی جوانی هەبێ.
بۆیە قۆناغی ئێستامان لە مێدیای کوردی بە هەموو لق و بەشەکانیەوە دەخوازێ، زیاتر گرینگی بە بواری رۆشنبیری و هۆشیاری نەتەوەیی و نیشتیمانی گەنجان بدەن و هەوڵ و کۆششەکانیان بۆ ئەوە نەبێ کامیان زۆرترین لایک و کۆمێنت کۆ دەکەنەوەو کامیان پڕ بینەرترین و روح سوکترین و بە جەماوەرترین بینەرو بیسەرن.
ئەم ئەرکە، ئەرکێکی فرە رەهەندەو بەرفراوان و قورسی نیشتیمانیە و گرینگی پێدان پێی، کۆمەڵگایەکی لێ بەرهەم دێت، تاکەکانی زیاتر بەتەنگ نیشتیمانەوە بن و خەمی نەتەوە بکەن بە خەمی گشتیەوەو لە پەرتەوازەیی و ناکۆمیە قوڵەکان دوور بکەونەوە.
وەڵام بدەوه