شاردنەوەی داهاتی پارێزگایەکی گەورەی وەک سلێمانی لە دانیشتوانەکەی، نەک هەر هێمای داڕمانی سەرلەبەری درووشم و بەڵێنە باقوبریقەدارەکانی حاکمانی سلێمانیە، بەڵکو بێ ویژدانیەکی گەورەیە دەرحەق بە موچەخۆرو خانەنشینانەوە دەکرێ.
ئاخر لە کوێی دونیادابووە کەسانێک قسەی زمان و بنی زمانیان بە تەنگەوە چوونی کۆمەڵانی خەڵکی کوردستان بێت و ساڵەهای ساڵ درووشمی قەبەی بۆ بەرز کەنەوە، کەچی لە هەمان کاتیشدا بە رۆژی روناک ستەم لە دانیشتوانی بکەن.
کۆبوونەوەی زبڵ و خۆڵ و خاشاک لەم سەری پارێزگاوە بۆ ئەمسەری، نەدانی موچەی موچەخۆران لە داهاتی گشتی، شاردنەوەی بودجەی تەرخان کراوی حکومەت ، لەکار خستنی سەتان پرۆژەی ئاودەدانی و مراندنی کەرتەکانی خزمەتگوزاری، نەمانی دەرمان لە نەخۆشخانەکان و…هتد، کەی سیاسەتی چەپکە گوڵی رەحمەتی مام جەلال بووە؟
هاونیشتیمانیانی پارێزگای سلێمانی بە بێ جیاوازی مافی خۆیانە وەک مرۆڤ خزمەت بکڕێن و موچەکەیان کەوا مافی ئاسایی و یاسایی خۆیانە پێ بدرێت و چیتر نەکرێن بە بارمتەی کۆمەڵە کەسانێکی نابەرپرس و چاوچنۆکەوە.
وەڵام بدەوه