کۆڵەگەی سەرەکی بەردەوامبوونی هەر کۆمەڵگایەک، لەسەر پاراستنی ئاسایشی کۆمەڵایەتی بونیاد دەنرێ. هەرکاتێک دۆخی ئاسایش و تەناهی کەوتە بەر هەڕەشەوە، ژیان و گوزەرانیش ڕاستەوخۆ دەکەوێتە بەر مەترسی و ئاڵۆزیەوە.
ئەرکی پاراستنی ئاسایش و پێکەوەژیان و پێکەوە هەلکردن، ئەرکێک نیە تایبەت بێت بە پیاوانی ئاسایش و پۆلیسەوە.
گەرەکە تاک بەتاکی ئەندامانی جڤاک بە گەورەوبچوکەوە لە ئاست بەرپرسیارەتی خۆیاندا بن و هاوکاری پۆلیس و ئاسایش و دەزگا ئەمنیەکانەوە بکەن.
گرتنە یەستۆی بەرپرسیارەتی کۆمەڵایەتی حزب و گرووپە سیاسی و کۆمەڵایەتیەکانیش دەگرێتەوە.
ناکرێ ئەحزاب و کاراکتەرە سیاسیەکان بە تایبەت ئەوانە لە بەرەی بەرهەڵستکاراندان خۆیان لە بەرپرسیارەتیەکان بدزنەوەو لە میانەی بەگژداچوونەوەی حکومەتەوە پەنا بۆ ئاژاوەگێڕی و تێکدانی بادودۆخی ژیان و گوزەرانی هاوڵاتیانەوە بەرن.
ئەمان نابێت رێگەیان پێ بدرێت لە ژێر دەمامکی ئۆپۆزیسیۆن بووندا هەموو کردارێکی تێکدەرانە، چ لە دونیای سۆشیال مێدیا و چ لە سەر شەقام، بە خۆیان رەو ببینن و رەوایەتی پێ بدەن.
کەشتی چارەنووسی نیشتیمان هی هەمووانەو پاراستنیشی ئەرک و بەرپرسیارەتی ئەخلاقی و جڤاکی هەمووانە. ئەم بەرپرسیارەتیەش وابەستەی زەمەن و کاتوساتێکی دیاریکراو نیەو پەیوەستە بە گشت بارودۆخێکەوە و هیچ لایەنێک بۆی نیە لێی ڕابکات یا پاساوی بێ بنەمای بۆ بهێنێتەوە.
وەڵام بدەوه