ئەوانەی باس لەوە دەكەن هەرێمی كوردستان نەوتەكەی بداتە دەست بەغدا بۆ ئەوەی خەڵكی خۆش بژیت، با بچێت سەرێكی بەغدا و بەسرە و ناسریە و دیوانییە بدات یان لە كوت و عەمارە و تكریت و مووسل و رومادی دابنیشێت بزانم بەرگە دەگرێت بۆ چەند رۆژێك.
روونیشی كردەوە كە هەموو عەرەب دێنە كوردستان بۆ ژیان، ئەوان خۆیان بە دەمی خۆیان دەڵێن لە كوردستان ژیان و ئارامی و پارێزراو و گوزەران و حكوومەت و دەسەڵات و یاسا هەیە و وڵات هەیە و ئاودانبووەتەوە.
ئەو سەركردایەتییەی پارتی باسی لەوە كرد، هەندێكجار دەبێت چاوەڕوانی ئەوە بكەین، حكوومەتی عێراقی وەك حكوومەتی لبنان ئیفلاس بكات، هەر خەریكی وەرگرتنی قەرزە، ئەو هەموو نەوتەی بە هەدەر دەڕوات، لە هیچ رووێكەوە عێراق لەكوردستان پێشكەوتووترنیە تا ئێمە بچین نەوتی خۆمانی بدەینە دەست و ئاواتی بۆ بخوازین.
ئەو دووپاتی كردەوە كە ئەگەر نەوت بدەینە دەستی بەغدا داهاتەكەی دەدات بە چەك و فڕِۆكە و دژی كورد بەكار دێنێت، بۆیە بە هیچ شێوەیەك ئیرادەی گەلێك رادەستی بەغدا ناكەین.
دیاری حوسێن ئەندامی سەركردایەتی پارتی دیموكراتی كوردستان.
وەڵام بدەوه