سیاسەت هونەری بەڕێوەبردن و ئامادەگی گرتنە ئەستۆی بەرپرسیارەتی و پاراستنی بەرژەوەندی گشتی و کەرەستەی خزمەتی نەتەوەو نیشتیمان و پاکی و دڵسۆزی و ڕاستگۆییە.
فرەژنیش لە پاڵ سیاسەت دیاردەیەکی ناشرین و نائاساییە. نەخاسمە سیاسەت کردن بکرێ بە ئامرازێک و رێگەیەک بۆ فرە ژنی و خۆدەوڵەمەندکردن و پارە کۆکردنەوە.
زۆرێک لە بەرپرسانی لایەنە سیاسیەکانی کوردستان لە پاڵ کاری سیاسی و حزبیدا، قۆڵیان لێ هەڵماڵیوەو بە دزی و دوور لە چاوی خەڵک و عەوامەوە، ژنی دووەم و سێهەم و چوارەمیشیان خستۆتە سەر خەرمانەی پڕ بەرەکەتی هەوەسبازیەکانیانەوە.
ژن هێنان، بە دووەم و سێهەم و چوارەمیشەوە پرسێکی شەخسی و تایبەتیە.
بەڵام کاتێک سیاسیەک خۆی بە خەمخۆری گەل و نیشتیمان و عەوام و ڕەشوورووت لە قەڵەم دەدات و لەو لاشەوە بە نهێنی و لەپاڵ سیاسەتدا بۆ گەیشتن بە مەرام و حەزو ئارەزوو و هەوەسبازیەکانیەوە روودەکاتە دیاردەی فرەژنیەوە، حەقە روەبەرووی بەرپرسیارەتی بکرێتەوەو داوای لێ بکرێ واز لە موزایدە و قسەی زل و دروشمی باقوبریقەداربهێنێ و سیاسەت لەمە زیاتر ناشرین نەکات و لەپێش چاوی خەڵکی نەخات.
وەڵام بدەوه