ئەوانەی خۆیان بە خاوەنی داروبەردو هەواو ئاسمانی سلێمانیەوە دەزانن حەقە جارناجارێک ئەم پرسیارە جەوهەریە لە خۆیان بکەن:
یۆبڵێی خەڵکی دەڤەری سلێمانی شایستەی ئەم مامەڵە ناشرینو رەفتارە نا ئینسانیەی دەسەڵاتدارنی شار بن دەرهەقیان دەکرێ؟
دەنگۆ هەیە پارێزگاری سلێمانی لە لایەن هیندیەکانەوە دەستەواژەی (موحیببەت) ی بە ناویەوە لکێندراوەو هەر لە مەراسمێکیشدا بەم بۆنەیەوە خەڵات کراوە.
دەی باشە ئەی خەڵکی سلێمانیە حەیاتەکە شایستەی رەحم و لوتف و کەرەم و خزمەت و موحەبەت نین؟
ئەی موحەبەت ئەوە نیە شاروکوچەوکۆڵان و شەقامەکانی شار لە زبڵ و خۆڵ و خاشاکەوە پاک کەیتەوەو بە شێوەیەکی شارستانی و مرۆڤ ئاسا خزمەتی گەورەوبچوکی شار بکەی ؟
ئەی کاتی ئەوە نەهاتووە سیمای جوانی شار جارێکی تر بۆ سلێمانی بگێڕنەوە؟
ئەی حەق نیە کوێخا سیاسەتمەدارە قورغکارەکانی هەژمونداری حزبەکانی سلێمانی، ئاورێک لە شارو دانیشتوانە هیلاک و ماندوو و بێزراوەکانی بدەنەوە و قۆڵی جوامێری لێ هەڵماڵن و هیمەت بکەن ئاهێک بە بەر خەڵکی ستەمدیدەو داماوو بە بارمتەگیراودا بهێننەوەو بە کردار ( کابرا گوتەنی کردار شەرتە) بە پیر داواکاریە رەواکانی سلێمانیدا بچنەوە؟
ئەگەر ئێوە بە جدیتانە و خەمی سلێمانیتانە و بە موڵکی تاپۆکراوی خۆتانی لە قەڵەم دەدەن، فەرموون ئەوە گەز و ئەوە رەز.
وەڵام بدەوه