هۆکاری ئەو رەخنەو بروبیانوویانەی پارتە سیاسیەکانی هەرێم جگە لە پارتی، لە یاسای هەڵبژاردنەکانی دەگرن، ترس و دڵە راوکێیانە لە سزادانیان لە لایەن گەلەوە.
ترسەکە لەوەیەوە سەرچاوەی گرتووە خەڵکی بەهۆی ئەو درووشمە باقوبریقەدارانەی ئەمان ساڵانێکە بانگەشەی بۆ دەکەن و هیچیان لێی جێ بەجێ نەکردووە، هەنوکە باش شارەزایان بوونەو مەغزاو ناوەرۆکی هەموویان بۆ گەل دەرکەوتووە.
هەر حزب و بزووتنەوەیەکی سیاسی خۆی بە هەڵگری خەمەکانی خەڵک و هزری نەتەوەییەوە وێنابکات و لە پێناو نیشتیمان و نەتەوەدا ئامادەی هەموو جۆرە فیداکاری و قوربانیدانێک و گیانبازیەک بێت، بێگومان ترسی نە لە هەڵبژاردنەو نە لە یاسای هەڵبژاردنیش زیرە ئەکات و بروبیانوی بۆ ئەدۆزێتەوە.
بەڵام ئەو حزبە ناسەربەخۆو داردەست و بزووتنەوە پۆپۆلیستیە هەلپەرەستانەی دەیانەوێ لە رێگەی هاشوهوش و قیژە قیژی میدیایی و تۆڕەکۆمەڵایەتیەکان و رێککەوتنی ژێربەژێری نانیشتیمانی و نامۆ بە خەون و خواست و داخوازیەکانی خەڵکەوە متمانەی خەڵک بەدەست بێنن، هەمیشە سەرقاڵی داتاشینی بروبیانووی جۆراوجۆرن بۆ دواخستن و خۆدزینەوە لە ئەنجامدانی هەڵبژاردنەکانەوە.
ئەم هەوڵەش بە گوێرەی پێناسەیەکی زانستیەوە رێک دەچێتە خانەی چەواشەکردن و بە لارێدابردنی دەنگدەران و خۆڵ کردنە چاوی خەڵک و ئاڵۆزکردنی مەسەلەی هەڵبژاردن و دیموکراسیەوە.
وەڵام بدەوه