سەرەدانا ئێکلاییکەر و سەرکەفتنا کوردستانێ!
ل ماوێ بووری ھەمی لایەکێ فشار ل سەر ھەرێما کوردستانێ و بتایبەتی پارتی ھەبوون، کۆ ژلایەکێ فشارێن ئەمریکا ھەبون ژ لایەکێ دن فشارێن ئیرانێ ھەبوون، کو فشارێن ئیرانێ سەرکێشا بۆ فشارێن بەغدایێ، ل بەغدایێ فشارێن ناڤخۆیی دروستکرن، کو ھەمی چاڤەرێبوون ئێدی پارتی تەسلیم بیت بچیتە ژێر رکێفا ئەجێندایێن وان، لێ پارتی سیاسەتا خۆیا حەکیمانە نەچوو ژێر چ فشارێن ھەرێمی و جیھانی، ھەڤدەم خۆ نەکرە تەرەف بۆ چ لایەکێ بەڵکو پشوو درێژی ھەمی بەرە ب چارەسەریەکا ھەڤسەنک رازیکرن.
ل سەروبەندا ھێرشێن تورکیا بۆ رۆژئاڤایێ کوردستانێ پارتی ب ئەرکێ خۆیێ نەتەوەیی رابوو چارەسەریەک بۆ ھەردولایا دیت کۆ ھێزێن ڕۆژ ل وی سنووری جێگیربکەت بۆ ھندێ ھێرشێن تورکیا دروست نەبن، جارەکادن خوینا کوردان ب ھەروەیی نەھێتە رژتن، لێ پەکەکە ل ژێر ئەجێندایێن ھەرێمی ب ڤێ چارەسەریێ رازی نەبوو، بریارا شەری دا، چوو شەرەکێ دا کو ھەر دەسپێکێ دا دیاربوو ئەو شەر نەبەرژەوەندیا کوردان دایە، گەر ھێزێن ڕۆژ ل وی سنووری جێگیرببونە نە سەرێ کانی نە عەفرین نەدھاتنە داگیرکرن، نە خوینا کوردان دھاتە رژتن نەھند کورد دەربەدەر و ئاوارەدبوون.
لێ پەکەکێ چارەسەری نەدڤیا بەلکو مینا ھەمی جارێن دن تێکدان دڤیا کۆ ئەو تێکدانێن پەکەکێ و شەرێ نەخوازراو بۆ سەدەم کورد ل رۆژئاڤایێ ببنە رەژیا بەرژەوەندیێن وڵاتێن ھەرێمی و جیھانی!
پشتی پارتی بەرسڤا ئەمریکا دای ل سەر پرسا پێشمەرگەی وێ چارەسەریا ھەی رازیکرن، کۆ ھەم بەرژەوەندیا ئەمریکادایە ھەم بەرژەوەندیا ھەرێما کوردستانێ دایە، ئەمریکا ئۆکەی پارتی دا و پشتەڤانیا خۆ بۆ دیارکر، نھاژی پارتی چارەسەریەکا ھەڤسەنگی بۆ پارتێن چەکدارێن رۆژھەلاتا کوردستانێ دیتیە کۆ ھەموو لایەک پێ رازی بن، ھەم گیانێ وان پاراستی بە کو ئەمریکا ھایداری ڤێ رەوشێ یە و بەرپرسیارەتیا پاراستنا پارتێن ڕۆژھەلات زێدەتر دکەڤیتە ستوویێ ئەمریکا کۆ پارتی زیرەکانە ئەڤ کارە کریە جھێ ڤەحەویانا وان دێ نێزیکی ئەمریکا بن. ھەم ئیران ژی ڤێ چارسەریێ رازیە کۆ ھەرێم رێکێ نادەت ل ناڤ ئاخاوان دا کەس بیتە ھەرەشە ل سەر وڵاتێن دەردوور و ھەڤسنور. پشتی رازیبونا ئیرانێ ل سەر وێ پێشنیارا ھەرێمێ ل بەغدا خوە نەرمی ھاتە نواندن کو بنەرەت دا ئەو فشار یێن تەھران بوون ل بەغدایی ئاراستەی ھەرێمی دکرن، نەخاسمە ئاستەنگ دروستکرن ل سەر مووچەیێن فەرمانبەران. ھەڤدەم کومکرنا ئیمزایێن پەرلەمانتارێن فراکسیونێن کوردستان ل پەرلەمانێ بەغدایێ ئێکەم گاڤا چارەسەریێ ھاتە ھاڤێژتن کۆ پشتی چەندین ناکوکیێن نەساخلەم کۆدەنگیا کووردان ل سەر پرسەکا گرنگا کوردستانی دروستبوو کۆ گرێدایی بوو ب موچێن فەرمانبەرێن کوردستانێ.
سەرەدانا سەروکێ حکومەتا ھەرێما کوردستانێ و جێگرێ وی و چەندین بەرپرسێن دن یێن ھەرێمێ بۆ بەغدا پشتەڤانیا سەرۆکێ ھەرێمێ دێ سەرەدانەکا ئێکلایی کەر بیت، کۆ ھەمی ھاوکێشە دێ ھێنە گوھرین دبەرژەوەندییا ھەرێمێ دا ئێکلایی بن، رێککەفتبەکا کونگرێتی ھێتە ئیمزاکرن نەبتنێ مووچێ فەرمانبەران بەڵکو گەلەک پرسێن دن کوگرێداینە بکوردستانێ تمامی دێ ھێنە چارەسەرکرن مینا پرسا کەرکوکێ و گەلەک پرسێن دن یێن ماددێ 140. ئەوێن چاڤەرێ شکەستنا ھەرێما کوردستانێ بوون ئێدی دێ شۆک بن ب سەرکەفتنێن کوردستانێ،کۆپشتی چەندین ئاسەتەنگ و زەحمەتیان بتمامی ھەر تشت دێھێتە گوھرین دبەرژەوەندیا کوردستانێ دا. ئەڤە ژی پشوو درێژییا سیاسەتا حەکیمانەیا سەرۆک بارزانی یە کۆ پشت ھەمی سەرکەفتنێن کوردستانێ دایە، دەما ھەمی کەس تاریاتیان دروستکەن جەنابێ وی مینا ھەیڤێ دەرکەڤیت روناھیەکێ دوان تاریاتیان ل ئەسمانێ کوردستانێ دروستکەت.
#HogirNerwayi
وەڵام بدەوه