نوێترین ھەنگاوەکان بۆ ھەڵسانەوەی پێگەی ھەرێم لە چوار خاڵ دا
تەنیا کوردی
لە بابەتەکانی پێشوو ئاماژەیەکمان دا کە پارتی ھەنگاوەکانی بۆ لەناوبردنی ئەم پیلانگێڕییەی لەسەر قەوارەی ھەرێم ھەیە بە شێوەیەکی پراکتیکی دەست پێکردووە.
ئێستا چی دەگوزەرێت؟
یەکەم، ئەمریکا
ئەمریکا نایەوێ دەستبەرداری قەوارەی ھەرێمی کوردستان بێ، بەھۆی فشاری تاران و بەغدا لەسەر ھەرێم، ئەمریکا فشاری یەکگرتنەوەی ھێزی پێشمەرگەی لەسەر ھەرێم لە مانگی ٩ دواخست بۆ کۆتایی ساڵ، ئەمەش دوای سەردانی باڵیۆزی ئەمریکا لە عێراق بۆ ھەولێر ھات، پابەندی ھەرێم بە یەکگرتنەوەی ھێزی پێشمەرگە دڵنیایی ئەمریکای بەدوا ھات کە ھاوکار بێ لە کەمکردنەوەی فشاری سەر ھەرێم لە بەغدا.
دووەم، ئێران
لەبابەت فشارەکانی ئێران بۆسەر ھەرێم، ھەنگاوەکان بۆ لێکتێگەیشتن و چارەسەکردنی کێشەکان دەستی پێکردووەو دەرفەتێکی ئەرێنی ھەیە کە دیالۆگی نێوان ھەولێر-بەغدا-تاران، لەبارەی فشاری ئێران بە دیالۆگ چارەسەر بکرێ و ھەنگاوەکان نراون، لەگەڵ بالیۆزی ئێران لە عێراق بابەتەکان بەرەو چارەسەری کۆتایی ھەنگاوی ناوە، کە بەشێوەیەک بێت حەلێکی لۆژیکی ھەبێت و حەلەکە بەشێوەیەک بێت کە لە دۆسیەی کوردانی رۆژھەڵات بەم شێوەیەی ھەرێم پێشنیاری کردووە نابێ ئەم ھێزانە ببنە قوربانی، ھەر حەلێکیش بچێتە جێبەجێکردن لە شێوەی نیشتەجێبوونی ئەم ھێزانە لە کەمپی نوێ و ھەندێ رێگەی تر، کە سەلامەتی ئەم ھێزانە بپارێزی، حەلێکی کاتیش بێ، باشترە لەوەی کە قوربانی لێبکەوێتەوە و یان ببێتە دەرفەتێک بۆ لاوازکردنی قەوارەی ھەرێم، واتە ھەم سەلامەتی ئەم ھێزانەو ھەمیش سەلامەتی قەوارەی ھەرێم لەم تەوقیتە ھەردووکی گرینگن.
سێیەم، بەغدا
سەردانی شاندی حکومی ھەرێم بۆ بەغدا کە یەکێتیش لە شاندەکە دەبێ، بەھۆی کەمبوونەوەی فشاری ئێران و پاڵپشتی ئەمریکا لەم دیالۆگە، ھەنگاوێک دەبێ بۆ دۆزینەوەی دەرفەتێکی نوێ لە نێوان ھەولێر و بەغدا، دەرفەتێکی نوێ ھەیە کە لێکتێگەیشتن بچێتە قۆناغێکی نوێ.
چوارەم، پارتی و یەکێتی
لە بابەتی پارتی و یەکێتی دوێنێ لە پەرلەمانی عێراق، بەیەکەوە واژۆیان کۆکردەوە بۆ فشارخستنە سەر پەرلەمان لە بابەت چارەسەرکردنی کێشەی مووچەو لە ناوخۆش لێکتێگەیشتنی زیاتر ھەیە کە ھەردوولا بەیەکەوە بە ئەنجامێک لەگەڵ بەغدا بگەن.
لە کۆتاییدا
ھەر چوار خاڵەکە، لە ئێستا بەشێوەیەکی پراکتیکی جولەی بۆکراوە و ھەر خاڵێک بگاتە ئەنجامێکی باش دەبێتە دەرفەتێکی نوێ لەم قۆناغە بۆ دەرچوون لەم قەیرانە، چونکە ھەر چوار خاڵەکە پێکەوەگرێدراون و لە ئەگەری رێکنەکەوتنیش لەگەڵ بەغدا یان ھەر خاڵێک لەمانە، ئەوکاتە بابەتی تر دەبێ قسەی لەسەر بکەین وەک دەرچەی دووەم، جارێ ئەم خاڵانە ھەن، چەندی لێجێبەجێ دەبێ، دەبێ چاوەڕوان بین... بەھیوای سەرکەوتن بۆ کوردستان.
وەڵام بدەوه