ئەمریکا بەپەلە ئەم وڵاتە بە جێبهێلن

وەزارەتی دەرەوەی ئەمریکا بەهۆی مەترسییە ئەمنییەکانەوە، فەرمانی بە هاووڵاتییان، فەرمانبەران و دیپلۆماتکارانی وڵاتەکەی کرد بەپەلە خاکی سعوودیە بەجێبهێڵن؛ ئەمەش دوای زنجیرە هێرشێکی حووسیەکان یەمەن دێت کە فڕۆکەخانە مەدەنییەکان و ژێرخانە گرنگەکانیان کردووەتە ئامانج و زیانی مرۆییان لێکەوتووەتەوە.
واشنتن فەرمانبەرانی پابەند کردووە بەهۆی مەترسیی هێرشە مووشەکی و درۆنییەکانەوە، بۆ هەر گەشتێک مۆڵەتی فەرمی وەربگرن؛ ئەمەش دوای ئەوەی لە 23ـی تشرینی یەکەمەوە فڕۆکەخانەی شا خالید بەشەکی کراوەتەوە و بەشێک لە گەشتەکانی بۆ فڕۆکەخانەی شازادە نایف لە قەسیم گوێزراونەتەوە.
هاوکات سەرەڕای بەردەوامیی کارەکان لە فڕۆکەخانەکانی جەددە و دەمام، بەشێک لە فڕینەکان دواکەوتوون یان هەڵوەشێنراونەتەوە؛ بۆیە وەزارەتی دەرەوەی ئەمریکا داوا لە هاووڵاتییانی دەکات لە ئەگەری داخستنی ئاسمانی سعوودیە بەئاگا بن و بەردەوام زانیاریی نوێی گەشتەکانیان لە کۆمپانیاکانەوە وەربگرن.