چەند پەیامێکی گرنگ لە سەرۆک بارزانییەوە

ئەمڕۆ سێشەممە، 28ـی تشرینی یەکەمی 2025، بە ئامادەبوونی سەرۆک بارزانی، پێنجەمین کۆنفرانسی زانستیی نێودەوڵەتیی تایبەت بە جینۆسایدی گەلی کورد، لە شاری دهۆک دەستی پێ کرد و دوو ڕۆژ بەردەوام دەبێت.
بەشێک لە وتاری سەرۆک بارزانی:
🔶قەدەری گەلی کوردستان بە درێژایی مێژوو ستەم بووە.
🔶قەدەری گەلی کوردستان بە درێژایی مێژوو هەر ئێش و ئازار و ستەم بووە.
🔶ڕژێمی پێشوو بەبەرنامە تاوانەکانی جینۆساید دەستیپێکرد.
🔶زیندە بەچاڵکردنی ئێزدیان قوناغێکی دیکەی جینۆساید بوو.
🔶بە جینۆسایدی کوردانی فەیلی و بارزانییەکان تاوانەکان دەستیپێکرد.
🔶هیچ کاتێک تاوانەکانی دژ بە کوردستان لەبیر ناکرێن.
🔶گەلی کورد بیری لە توڵە نەکردووتەوە.
🔶کیمیا بارانی هەڵەبجە قوناغێکی دیکەی جینۆساید بوو.
‌‌🔶لە ڕاپەرین یەک سەربازی عێراقی نەکوژرا.
🔶چەکی کیمیایی لەسەر گەلی کورد تاقیکراوەتەوە.
🔶لە عەکاشات و قائیم تاقیکردنەوەی چەکی کیمیایی لەسەر ژمارەیەکی زۆری گەنجی فەیلی و بارزانی کرا بوو.
🔶ئەوەی تاوانی دژی گەلی کورد کرد بەسەر شوڕی ڕۆیشت.
🔶تاوانەکان دەریدەخەن ئەم میللەتە چ قوربانییەکی بۆ ئەم ئازادییە داوە کە بەدەستیهێناوە.
🔶دوایین جینۆساید 2014 بەرانبەر بە ئێزدییەکان کرا.
🔶هەر گەلێک ئیرادە و خۆڕاگری هەبێت سەردەکەوێت.
🔶ئەوانەی تاوانیان لە دژی گەلی کورد ئەنجام دا، ڕووڕەشی و شەرمزاییان بۆ مایەوە.
🔶تا ئێستا بڕیاری پەرلەمان بۆ ناساندنی جینۆساید کاری پێنەکراوە.
🔶سوپاسی پەرلەمانی وڵاتان دەکەین بۆ ناساندنی جینۆساید دژی گەلی کورد.
🔶هیچ سەروەت و سامانێکی دوونیا ناگاتەوە ئەو خوێنەی ڕژا.