كەشناسێك رای دەگەیەنێت، هەفتەی داهاتوو بەفر لە ناوچە جیاكانی كوردستان دەبارێت، پلەكانی گەرماش روو لە نزمبوونەوە دەكەن.
هەڤاڵ سدیق گەڵۆزی شارەزای كەشناسی، رایگەیاند، بەهۆی هاتنی شەپۆلێكی بەفربارین بۆ ناوچەكانی باكوری كوردستان و ڕۆژهەڵاتی كوردستان باكوری ئێران بەفربارین هەندێ لەناوچە شاخاوییەكانی هەرێم دەگرێتەوە.
زیاتر گوتی، پێشبینی دەكرێت لەناوەڕاستی هەفتەی داهاتوو بەهۆی كاریگەری بارستەهەوایەكی ساردی جەمسەری كە سەرچاوەكەی لە ناوچەكانی سیبیریاوە ڕوودەكاتە هەرێمی كوردستان پلەكانی گەرما بەشێوەیەكی بەرچاو لەناوچە شاخاوییە سنوورییەكانی هەرێمی كوردستان دادەبەزێت بۆ ژێر سفری سیلیزی.
روونی كردەوە، لەگەڵ نزمبوونەوەی پلەكانی گەرما شەپۆلێكی بەفربارین ئەو ناوچانەدەگرێتەوە دەبێتەیەكەم شەپۆلی بەفربارینی ئەمساڵ.
وەڵام بدەوه