كوڕە شەهیدێكی یەكێتی چى تر ئامادە نیم دەنگ بەم حزبە بدەم

كوڕە شەهیدێكی یەكێتی لە گەرمیان: 
بە هیچ شێوەیەك ئامادە نیم دەنگ بەو یەكێتییەی ئێستا بدەم
”لە دەنگداندا چاوەڕێی تۆڵەکردنەوەمان بن“
محەمەد شەهید نیوەكوڕ گەرمیانی یەكێتی، لە ئەكاونتی تایبەتی خۆی لە تۆڕی كۆمەڵایەتیی (فەیسبووك)، لەپاڵ بڵاوكردنەوەی وێنەكانی كۆنی باوكی، نووسیویەتی: “من وەکوو کوڕی شەهید نیوەکوڕ، پێم باشە ڕوونکردنەوەیەک بدەم، باوکم هەشت جار بریندار بووە و جارێک دەرمانخوارد کراوە، یەکێتی خۆی بە خاوەنی شەهید نیوەکوڕ دەزانێت، بەڵام تاکە زەرەرمەند لە شەهیدبوونی تەنیا ئێمەین و یەکێتی هیچی بۆ نەکردووین و هیچ کاتێک لێیان سوودمەند نەبووین، هەر بۆیە تووڕەبوونمان لەم حزبە گەیشتووەتە کونەلووتمان، لەم هەم هەمەی دەنگدانەدا ئەوەی بە بیری ئێوە نایەت و لە ئەقڵی مرۆڤدا نییە، دڵنیا بن دەیکەین.”
هیچ کاتێک ئامادە نیم دەنگ بەم حزبە بدەم، تکاش لە هاوڕێ و  هاوسەنگەرەکانی باوکم دەکەم، بە هیچ شێوەیەک داوای سڕینەوەی ئەو پۆستەم لێ نەكەن، هەر بەرپرسێکیش داوای سڕینەوەی دەکات، با مافەکانمان بدەنەوە، ئەوکات ڕووی ئەوەتان هەبێت داوای سڕینەوەی بکەن، دڵنیاش بن چیتر بێدەنگ نابین لەو ناهەقییەی بەرامبەر ماڵ و منداڵی شەهید نیوەکوڕ کراوە.”
“ئێوە ئەوەتان ئەوێ ئێمە بێینە پێش دەرگاکەتان، بەڵام ئێمە لەوانە نین، کە خۆمان بۆ ئێوە کەم بکەینەوە، بۆ دەنگدانیش چاوەڕێی ئەو تۆڵەکردنەوە بن کە بەخەیاڵتاندا نایەت.”