پلەکانی گەرما زیاتر دادەبەزێت و کەشێکی سارد دروست دەبێت

ئاراس جەبار، شارەزای بواری كەشناسی، ڕایگەیاند: بەھۆی نزیکبوونەوەی زیاتری ھەوا ساردەکەی ئێران، لە کاتەکانی ئێوارەی ئەمڕۆ و ئەمشەو بە دواوە، بای باکووری رۆژھەڵات لە ناوچەکانی پارێزگای سلێمانی و ئیدارەی راپەرین و ناوچە شاخاوییە سنووریەکانی پارێزگای ھەولێر چالاکتر دەبێت و خێراییەکەی دەگاتە نێوان 20 تا 50 کم زیاتر لە کاتژمێرێکدا، لەھەندێ ناوچەشدا بەتایبەت ناوچە شاخاوییە سنوورییەکان، ئەگەر ھەیە ھەندێک کات خێرایی باکە زیاتر لە 60کم لە کاتژمێرێکدا تێپەڕێنێ، سبەی پلەی گەرمی لەو ناوچانەدا کە لەژێر کاریگەریی ئەو بایەدان بە نزیکەی 4 تا 6 پلە بەڕاورد بە ئەمڕۆ نزم دەبێتەوە، لە ناوچەی شاخاویدا کەشێکی سارد و زستانە دروست دەبێت و لە ناوچەکانی دیکەی ھەرێمی کوردستانیش 2 پلە نزم دەبێتەوە.
بەرزترین پلەی گەرمیی پێشبینیکراوی سبەی
ھەولێر 35 پلە
سلێمانی 28 پلە
دھۆک 34 پلە
ھەڵەبجەی شەهید 32 پلە
کەرکووک 35 پلە
ئیدارەی گەرمیان 38 پلە
ئیدارەی راپەرین 29 پلە
ئیدارەی سۆران 29 پلە 
ئیدارەی زاخۆ 34 پلە
حاجی ئۆمەران 13 پلە