کۆمپانیای گشتی بازرگانی و کەلوپەلی خۆراکی سەر بە وەزارەتی بازرگانی عێراقی رایگەیاند، بەشەخۆراکی مانگی یەکەمی ساڵی داھاتوو ئامادەکراوە و لە ئێستاشدا رێژەی ٣٠٪ی نۆیەم بەشەخۆراکی ئەمساڵیش لە کۆگاکاندا ئامادەکراون.
تالب عەباس جێگری بەرێوبەری گشتی کۆمپانیای خۆراکی سەر بە وەزارەتی بازرگانی عێراق بە میدیا ناوخۆییەکانی رایگەیاند، ھەشتەم سەبەتە خۆراکی مانگانەی ھاوڵاتیان بە رێژەی ٩٠٪ بۆ سەرجەم پارێزگاکانی عێراق ئامادەکراوە و کاردەکەن بۆ بوژاندنەوەی کۆگاکان و ئامادەکردنی بەشەخۆراکی نۆیەم و دەیەمی ئەمساڵ
ئاماژەی بەوەشدا، سەبەتەی خۆراکی مانگانەی ھاوڵاتیان لە زەیت و نیسک و برنج و نۆک و فاسۆلیا و دۆشاوی تەماتە پێکدێت و ئەم بەشەخۆراکانەش لە شایستە داراییەکانی پڕۆژەیاسای ئاسایشی خۆراکی ئەمساڵ بودجەی بۆ تەرخان دەکرێت و ھەر ئەم پڕۆژە یاسایەش بەشەخۆراکی مانگی یەکەمی ساڵی داھاتوو دابین دەکات.
ئەوەشی خستەڕوو، نزیکەی ٣٠٪ی نۆیەم بەشەخۆراکی مانگانەی ئەمساڵ ئامادەکراوە لە کۆگاکان ھەڵگیراوە و کۆمپانیای بازرگانی عێراق مەبەستییەتی بە رێژەی ١٠٠٪ ئامادەی بکات پاشان دەست بە دابەشکردنی بکات.
وەڵام بدەوه