ئاژانسی هەواڵی فەرمیی سووریا بڵاوی كردەوە، لە حمس پێكدادان لە نێوان ئیدارەی ئۆپراسیۆنە سەربازییەكانی سووریا و پاشماوەكانی چەكدارانی بەشار ئەسەد رووی داوە.
ئەمشەو پێنجشەم، 26ی كانوونی یەكەمی 2024، ئاژانسی فەرمیی هەواڵی سووریا "سانا" بڵاوی كردەوە، لە كاتی ئامادەكردنی ئەم هەواڵەدا سەعات 9:50 بەكاتی ناوخۆیی هەولێر، شەڕ و پێكدادان لە نێوان ئیدارەی ئۆپراسیۆنە سەربازییەكانی سووریای نوێ لە گوندی بەلقیسە لە شاری "حمس" لەگەڵ پاشماوەكانی چەكدارانی بەشار ئەسەد رووی داوە، تا ئامادەكردنی ئەم هەواڵەش شەڕ و پێكدادانەكە بەردەوامە.
ئاژانسی فەرمیی سووریا ئەوەیشی باس كردووە، هێرشەكە لەلایەن ئیدارەی ئۆپراسیۆنە سەربازییەكانی سووریاوە ئەنجام دراوە، ئامانج لێی گەڕانەوەی رەوشی ئاسایش و تەناهییە بۆ ناوچەكە و پاككردنەوەیەتی لە پاشماوەی چەكدارانی رژێمی رووخاوی سووریا.
وەڵام بدەوه