بڕیاری کۆتایی ترەمپ ئاشکرادەکرێت

ئەمەریکا هەڵوێستی کۆتایی لەبارەی جووڵەی سەربازی دژی ئێران ئاشکرا دەکات
ئەمڕۆ شەممە 16ی تشرینی دووەمی 2024، مارکۆ روبیو وەزیری دەرەوەی ئەمەریکا ڕای گەیاند کە دۆناڵد ترەمپ سەرۆکی ئەمەریکا هیچ بڕیارێکی لەبارەی ئەنجامدانی جووڵەی سەربازی دژی ئێران نەداوە، هاوکات دووپاتی دەکاتەوە کە وڵاتەکەی کراوەیە بۆ چارەسەری دیپلۆماسی بۆ ڕێگریکردن لە فراوانبوونی ئاڵۆزییەکان.
لە پرێس کۆنفڕانسێکدا وەزیری دەرەوەی ئەمەریکا دووپاتی کردەوە کە واشنتن کراوەیە بۆ چارەسەری دیپلۆماسی لەگەڵ ئێران، بەڵام گوتی، نازانم ئەگەر هیچ کاتێک دیاری کرابێت بۆ ئەو دانوستانانەی کە قەتەر سەرپەرشتییان دەکات.
روبیو زیاتر گوتی، ئێران هۆکارە بۆ ناسەقامگیری لە ناوچەکە، ئارەزووی خۆی بۆ بەدەستهێنانی چەکی ئەتۆمی پێشان داوە، بەڵام ئەوە ڕوو نادات.
لە کۆتاییدا ئاماژەی بەوەیش کرد، وڵاتانی گرووپی 20 کۆک بوون لەسەر گرنگیی مسۆگەرکردنی ئازادیی هاتوچۆی دەریایی.