شەمووی رابردوو سێیەم گەڕی گفتوگۆكانی ئەمەریكا و ئێران لە عومان ناراستەوخۆ بەڕێوە چوو و بەرپرسانی هەردوو وڵات لە وەسفكردنی گفتوگۆكان بە رژد بەردەوامن، رۆژنامەیەكی ئەمەریكی ئاماژە دەكات كە پێشبینی دەكرێت چوارەم گەڕی گفتوگۆكان لە ئەوروپا لە ماوەی دوو هەفتەی داهاتوو بەڕێوە بچێت.
رۆژنامەكە لە بەرپرسێكی باڵای ئەمەریكای گواستەوە كە چوارەم گەڕی گفتوگۆكان لە ئەوروپا بە میانگیریی عومان لە ماوەی دوو هەفتەی داهاتوو بەڕێوە دەچێت، بەڵام لایەنی ئەمەریكی پێویستی بە كات هەیە بۆ تاوتوێكردنی زانیاری و پێشنیازەكان كە لە لایەن ئێرانییەكانەوە دراوە و كراوە.
بەپێی سەرچاوەكە ئەمەریكا دەیەوێ گفتوگۆكان بگوازێتەوە شوێنێكی باشتر، ئەوە لەوكاتەی عەباس عێراقچی وەزیری دەرەوە و سەرۆكی شاندی ئێران لە دوای سێیەم گەڕی گفتوگۆكان دوێنێ شەموو رای گەیاند كە سەرەڕای ناكۆكییەكانی نێوان هەردوولا سەبارەت بە رێككەوتنێكی نوێی ئەتۆمی، بە پێشوەچوونەكان پێخۆشحاڵە.
گفتوگۆكانی نێوان ئەمەریكا و ئێران ناراستەوخۆ لە مەسقەتی پایەتەختی عومان لە 12ی ئەم مانگە دەستیان پێ كرد، دواتر دووەم گەڕی گفتوگۆكان لە رۆمای پایەتەختی ئیتاڵیا بەڕێوە چوو و دوێنێش سێیەم گەڕی گفتوگۆكان ساز كرا، چاوەڕوان دەكرێت گفتوگۆكان تا ماوەی 60 رۆژ كە دۆناڵد ترەمپ سەرۆكی ئەمەریكا لە نامەكەی بۆ سەركردەكانی ئێرانی دیاری كرد، گفتوگۆكان بەردەوام بن.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه