سەرجەم گەشتەکانی ژمارەیەک لە کۆمپانیا گەورەکانی فڕۆکەوانیی لە ئەمریكا و ژمارەیەك وڵاتانی جیهان ڕاگیران.
بەرەبەیانی ڕۆژی هەینی، 19-7-2024، بە هۆی کێشە لە بەشی پەیوەندییەکانیان، سەرجەم گەشتە ئاسمانییەکانی کۆمپانیاکانی دێلتا، یوناید و ئەمریکان ئێرلاینز وەستان.ـدامەزراوەی فڕۆکەوانیی فیدراڵ ڕایگەیاندووە ئەم کێشەیە کاری کردووەتە سەر سەرجەم گەشتە ئاسمانییەکانی کۆمپانیاکان.
هێشتا هۆکاری سەرەکیی کێشەی پەیوەندییەکان دیار نییە و ناشزانرێت کەی گەشتەکان ئاسایی دەبنەوە، بەڵام دەست کراوە بە کارکردن بۆ چارەسەرکردنی کێشەکە.
تائێستا لە ئەڵمانیا و چەند وڵاتێكی دیكە هەمان كێشە ڕوویداوە و هێڵی گەشتی فڕۆكە و شەمەندەفەر ڕاگیراون. کێشەکە پەیوەندیی بە بواری تەکنۆلۆژیای زانیاریی (IT)ـەوە هەیە و جگە لە کۆمپانیاکانی فڕۆکەوانی، چەندین بانک و دامەزراوەی میدیاییشی گرتووەتەوە. لە بەریتانیاش کێشەی ئای تی بۆ هێڵی ئاسن درووست بووە. هەروەها بۆرسەی لەندەنیش کێشەی پچڕانی پەیوەندیی هەبووە. کۆمپانیا مایکرۆسۆف لە هۆکارەکان دەکۆڵێتەوە. سەرچاوەیەک راگەیاند هیچ كێشەیەك لە گەشتی فڕۆكەخانەكانی هەولێر و سلێمانی ڕووی نەداوە".
وەڵام بدەوه