لە بیرمە ساڵی 1979 دوای رووخانی دەسەڵاتی پاشایەتی حەمەرەزاشا، پێشبینی مانەوەی ئەم دەسەڵاتەی ئێستای ئێران و بەردەوامێتی دەخرایە دەرەوەی هەموو حیساباتێکەوە و بە مانۆرێکی خودی شەخسی شا وێنا دەکرا.
بەڵام دوای 43 ساڵ و تێپەراندنی چەندین قۆناغ، دەسەڵاتدارانی ئەوسا سەلماندیان چۆن ئەسپی سیاسی خۆیان لە پانتای سیاسەتدا تاو بدەن و خۆڕاگربن دهەمبەر گشت فشارو جەنگ و رووبەرووبوونەوەیەکی سەربازی، چەکداری، ئابوری و دیپلۆماسیەوە.
زیاد لەمەش سەلماندیان توانای کاریگەری نواندن و گۆڕینی ئاراستەی رەوتی رووداوەکان ونواندنی رۆڵی یەکلاکەرەوەیان هەیە لەو هاوکێشە سیاسی و سەربازیانەی پەیوەندی ڕاستەوخۆی بە بەرژەوەندیە سیاسی و ستراتیژیەکانیانەوە هەیە.
بەجۆرێک ناشێت بەهیچ جۆرێک بەرژەوەندیەکانیان نادیدە بگیرێ و لە هاوکێشەسیاسیەکانی رۆژهەڵاتی بەرمیلە باڕووت ، پەراوێز بخرێن.
بڕیاری دادگای فدراڵیش دهەمبەر هەرێمی کوردستان و پرسی ستراتیژی چۆنیەتی مامەڵەکردن بە نەوت و غازەوە، ئەشێ وەک کارتێکی فشاری ئێرانیەکان بۆ نانەوەی ئاژاوەو ئاڵۆزکردنی دۆخەکەو فشاری دەرەکی، بۆ رازی کردنی ئێراقیەکان بە گشتی و هەرێمی کوردستان بە تایبەتی بە خواست و داواکاری و شەرتومەرجەکانیانەوە، لە فۆرم گرتنی حکومەتی داهاتوو لە قەڵەم بدرێت .
وەڵام بدەوه