ئەوانەی بە نیازی ململانێ و بەرەنگار بوونەوەی پرۆژەو بیرۆکەکانی بارزانین، دیارە هێشتا مێژووی ئەم کاراکتەرە سیاسیەی مێژووکردەیان نەخوێندۆتەوەو شارەزای توانستی بریاردان و مکوڕ بوونی ناوبراو نین لە یەکلایی کردنەوەی پرسە سیاسیەکان و ئاراستەدان بە رەوتەسیاسیەکانی پانتای سیاسەتدا.
وەستانەوە دژی کاندیدەکەی بارزانی بۆ پڕ کردنەوەی بۆشایی سەرۆک کۆمارێکی کورد و ئەو بینەو بەردەیەی نەیارەکانی بارزانی دەستیان داوەتێ هەوڵێکی نەزۆک و کردارێکی بێ دەرەنجام و خۆماندووکردنێکی بێهودەیە.
فشاری لایەنە سیاسیەکانی دژە بەربژێری بارزانی لەپاڵ ئەو هاوپەیمانێتیە هەرێمایەتیەی بە مەبەستی دانانی ئاستەنگ و کۆسپ ، بەئاراستەی هەوڵدان بۆ سەرنەکەوتنی کاندیدی بارزانی بۆ پۆستی سەرۆک کۆمار، نەک بارزانی لە بریارو ویست و خواستە نەتەوەیی و نیشتیمانیەکانی سارد ناکاتەوە، بەڵکو نابراو مکوڕتر دەکات لەسەر پێداگری بریارەکانی و گۆڕانکاری ریشەیی لە بەغدابە گشتی و پرسی سەرۆک کۆمار بە تایبەتی.
بەرەنجامە مێژووییەکان، هەگبەی ئەزموون و رابردووی خەبات و تێکۆشان و کاری سیاسی کاراکتەری بارزانی، سەلماندوویانە ئەم بکەرە سیاسیە خاوەن ئەزمونە دەوڵەمەندە، توانای گۆڕینی ئاراستەی رووداوەکان و دەست پێشخەری یەکلاکەرەوەی لە رووبەری سیاسەتدا هەیەو ئەم تایبەتمەندی و سیفاتە مەعنەویانە، زامنی سەرکەوتنی گشت بیرۆکەو خولیایەکی نیشتیمانی و نەتەوەیین لای بارزانی.
وەڵام بدەوه