هەنگاوو جموجۆڵەکانی یەکێتی و بە دیاریکراوی باڤڵ تاڵەبانی لە بەغدا لە پرسی گەڵاڵەکردنی یاسای نەوت و غاز و یاسای بودجەی 2023، جێگەی نیگەرانی کوردستانیانە.
لەدوای رووخانی بەعسەوە، پرسی نەوت و غاز بە پرسێکی یەجگار گرینگ و بایەخدار هەژماردەکرێت، نەک هەر بەلای عێراقیەکانەوە، بەڵکو بە لای هاوڵاتیانی هەرێمی کوردستانیشەوە.
چونکە هەر دووکیان سەرچاوەی سەرەکی داهاتن و گەشەی ئابوری و دابین کردنی بودجەو موچەو بوژانەوەی ژێرخانی ئابوری و دارایی وڵات بەم داهاتانەوە بەندە.
هەوڵەکانی یەکێتی لە بەغدا بۆ پشتیوانیکردن لە دەرکردنی بەپەلەی یاسای نەوت و غازو یاسای بودجەی 2023 بە بێ گەڕانەوە بۆ پارتی وەک لایەنی سەرەکی حکومەتی هەرێم، جێگەی گومانن.
ئەم هەوڵانە بۆ لێدانی مەرکەزیەتی دەسەڵاتی حکومەتی هەرێم و پەرەدانە بە لامەرکەزیەتی پارێزگاکان و دواجار مامەڵەی سەربەخۆییانە لە گەڵ بەغدا.
تاکرەویەکانی یەکێتی لە بەغدا جێگەی نیگەرانین و ئاڕاستەکردنی هەوڵەکانی لەمجۆرە، وادەکات لایەنە شیعەو سونەکان بتوانن هەژمون و بیروبۆچوونی خۆیان لە دارشتنی یاسای نەوتو غازدا بەسەر هەرێمدا بسەپێنن و دەسەڵاتی مامەڵەکردن بە نەوتوغازی کوردستان لە هەرێم بسەننەوە.
وەڵام بدەوه