کاهینەکانی بە ناو ئۆپۆزیسیۆن
برواناکەم لە هیچ شوێنێکی سەر ئەم گۆی زەویە سەرلەبەری سیستەمی سیاسی و روئیاو خەون و خەیاڵی مرۆڤ لە پۆست و پلەو پایەو موچەدا کورت کرابێتەوە.
لە هەرێمی کوردستانەی ئێمە هەمووان تایبەتمەندیە شەخسیەکانی هەمووان دەزانن و لە جیاتی گرینگی دان بە بەرهەم و کارو جۆرێتی و چەندێتیەوە، بەردەوام سەرقاڵی بنکۆڵ کردن و پرسیارو دۆزینەوەی وەڵامی پرسیارە شەخسیەکانن.
وەرگرتنی موچە یا سەرچاوەیەکی دارایی باش بۆ دابین کردنی ژیان و گوزەرانە، بۆ دابین کردنی ئیمکانیاتی رۆژانەیە. ئەم پرسە ئەوەندەی پەیوەندی بە شەخسەوە هەیە، نیو ئەوەندە پەیوەندی بە خەڵکانی ترەوە نیە تا بچن لە پەیجەکانی دونیای سۆشیال مێدیا و کەناڵە تەلەفزیۆنەکانەوە شرۆڤەی بۆ بکەن و بیخەنە ژێر لێکدانەوەو بن کۆڵی بکەن و ئەویش وەک شتەکانی تر سووک و سەلیم بکەن.
چەند کەسێکی پڕ لە هاشوهوشی ناوپەرلەمان وەک کاهینەکانی سەردەمانی زۆر زوو و ئایەتواللەکانی نەجەف و قومیان لێهاتووەو کار گەیشتۆتە سەر ئەوەی فتوا لەسەر حەرام و حەڵاڵ بوونی موچەوە بدەن.
قسەی سەری زمان و بنی زمانی ئەمانە، موچەیە و وادەزانن بەم قیژەقیژە دەتوانن بەردێکی خێر بخەنە سەر دیوارێکەوەو لە روانگەی خێری گشتیەوە بە ناوی گەلەوە قسە بکەن و بقیژێنن.
وەڵام بدەوه