پرتەوبۆڵەی مێدیا لە پای چی؟
کردەی تیرۆریستی کردەیەکی قێزەوەن و نائینسانی و دوورە ویژدان و ئەخلاقە.
ئەنجامدانی کاری تیرۆریستی تەنیالەو بوونەوەرو هێزانە دەوەشێتەوە تۆزقاڵێک بڕوایان بە فرەیی، پلۆرالیزم، ئازادی، دیموکراسی و پاراستنی گیان و تەناهی کۆمەڵگاو بەرژەوەندیە گشتیەکانی وڵاتەوە نیە.
یەکێتی نیشتیمانی چەند ساڵێکە بێ شوان و رێبەرو سەرۆکێکی ڕاستەقینەو بەهێزو خاوەن کاریزما ماوەتەوەو لەوێستگەیەکی زۆر سەخت و پڕ لە ئاڵنگاریدا قەتیس ماوەو گیری خواردووە.
فرەکوێخایی و فرە جەمسەری و بێ سەرووبەریەکی کوشندە وەک پەتا، تەواوی جەستەی ئەم حزبەی تەنیوەتەوە.
نە پەلەقاژەی ئەم و ئەو یارمەتیدەرە، نە هاشوهۆشی مێدیایی و قیژەقیژی رووبەری سۆشیال مێدیای کاک فڵان و فیسارە فەرماندە و هانابردن بۆ هێزە دەرەکیەکان.
یەکێتی کەوتۆتە دۆخێک، نەک ئیدارەی پارێزگای سلێمانی و گەرمیانی پێ ناکرێت، تەنانەت ئیدارەی ناحیەیەکیشی پێ بسپێری، تەفروتوونای دەکات و بەرەڵایی و بێسەرووبەری باڵ دەکێشێ بەسەر تەواوی جومگەکانی ناوەکی ناو ئەم حزبەوە.
هەرێمی کوردستان خراپ بەدەست کوێخا سەربەخۆکانی جەمسەرێکی تاکڕەوی ناو سەرکردایەتی یەکێتیەوە گیری خواردووە.
ئەنجامدانی کردەی تیرۆریستی لەناو جەرگەی شاری هەولێرو بە بەرچاوی ژنومنداڵی فەرماندەیەکی دژە تیرۆرەوە، نەک هیچ پاساوێکی عەقڵانی و مەنتیقی هەڵناگرێ، بەڵکو نیشاندانی سیمای گرووپێکی کەڵەگای یاساشکێنی سەرەڕۆی ناو ئەم حزبەیە، مل بۆ یاسانادەن و تۆزقاڵێک بروایان بە دیموکراسی و مافی مرۆڤ و پاراستنی بەرژەوەندی نیشتیمان و سەرووماڵی هاوڵاتیانەوە نیە.
وەڵام بدەوه