بەرپرسیارەتی پەرەتەوازەیی لای کێیە؟
هەر سیستەمێکی دیموکراسی بەسەر بکەیەوە نابینی لایەنێکی دیاری سیاسی بە رۆژ لە خێروبێرو دەسەڵات و تێکەولێکە هاوبەش و سەرپشک و برابەش بێت و بە شەویش چەقۆ لە حکومەت و حوکمرانی تیژ بکات و ختۆکەی جەماوەر بدات و نارەزاییەتیەکانی بخاتە سەر پانتای مێدیا.
هیچ حوکمرانیەک و سیستەمێکی سیاسی نادۆزیتەوە بێ کێماسی و کەموکورتی بێت، بەڵام هیچ کوموکورتیەکیش لە رێگەی مێدیاو هەڵای ئیعلامی و پرتەوبۆڵەبۆڵی سۆشیال مێدیاوە رووی چارەسەری بە خۆیەوە نابینێ و گرژی و ئاڵۆزی لێدەکەوێتەوە.
ئەوەی تیمی دانوستانکاری یەکێتی دەیکات و دەیڵێت و خۆی کردووە بە مەشخەڵدار و هەڵگری خەمە گشتیەکانی هاوڵاتیان و رەخنە گرتن لە حوکمرانی، بە هیچ پێوەرێک و لە هیچ سیستەمێکی سیاسی هاوچەرخ و بە پێی هیچ پرەنسیپێکی باوی هاوبەشی و برابەشی لە حوکمرانیدا قەبوڵ کراو نیە و ناچێتە عەقڵەوە.
وەڵام بدەوه