حوکمرانی توانستە نەک هاشوهوش
حوکمرانی بە رۆژنامەنوس و خاوەن کۆمپانیاو سەرمایەدار و چالاکوانی مەدەنی ناکرێ.
حوکمرانی بە ئایدیۆلۆژیاو خستنەگەڕی مەکینەی چەواشەکاری و هاهوشی مێدیای ناکرێت و کردەیەکی تابڵێی ئەستەم و نەکردەییە.
کاراکتەری سیاسی نابێ لەبەردەم مایکی دەزگاکانی راگەیاندن و زۆمی کامێراو گوێگرو بینەرانی تەلەفزیۆنی هەڵچێ و شەلم کوێرم و بە تووڕەییەوە پەلاماری راست و چەپی بدات .
کاراکتەری سیاسی دەبێت لە زمانی دیپلۆماسی بگات، شارەزای بێ و بە زمانێکی جوان و ئەدەبیاتێکی پوخت و دوور لە وشەو دەستەواژەی ناشرین و بازاڕی قسەبکات و بکەوێتە گفتوگۆوە.
رەنگە خەڵکانێکئ دیاریکراوو گوێ بۆ رۆژنامەنووسێک، نووسەرێک، هونەرمەندێک یا کاراکتەرێکی کولتوری و کۆمەڵایەتی یا ئایینی شل کەن و گوێی لێ بگرن، بەڵام کاتێک یەکێک خۆی بە سیاسی و بە ناو هەڵگری خەمی خەڵکەوە وێنا دەکات و بە زمانێکی نزم و ئاستێکی ناشرینەوە قسە دەکات و هەزاران کرس گوێی لێ دەگرن، کارەساتێکی ئەخلاقیە.
سیاسەت هونەری بەڕێوەبردن و راگرتنی هاوسەنگی و پاراستنی دۆخی کۆمەڵگایە، نەک هاشوهوشی مێدیایی و دابەزین بۆ نزمترین ئاستی مومکین و قیژەقیژی رووبەری دونیای راگەیاندن و ختوکەدانی ڕای گشتی.
وەڵام بدەوه