مزگەوتی بارزانی؛ پڕۆژەیەکی عیملاقی ئایینی و کلتوری لە پێناو بەرزکردنەوەی پێگەی کوردستان

بە بورجی«خەلیفە و ئیڤڵ»موعجبە دانسیان تیا دەکرێت، بەڵام«مزگەوتی بارزانی»بەو دیزایینە شازە لەلا بێبایەخە. دەزانم ئەگەر لە«سامەڕرا»دروستکرابا پڕۆژەیەکی عیملاق بوو، بەڵام چونکە لە کوردستانە ئیدی: بە پارەی خەڵک دروستکراوە!
لە بابەتی پارە ئینگلیز دەڵێن: پیاوی گەورە پارە لە مێشکیدا هەڵدەگرێت، پیاوی بچووکیش لە باخەڵیدا.
بۆیە پارە شوێنی هەڵگرتنەکەی دەریدەخات پارەکە بۆ چییە. لە بەریتانییەکانەوە بۆ عوسمانلی و سەفەوی، تا دەگات بە مەلیک و سەرۆکەکانی عێراقی ئەمڕۆ، هەموو ئامادە بوون پارە بە«ماڵی بارزانی»بدەن. بەڵام چونکە دیار بووە پارەکە بۆ چییە ئیتر وەریاننەگرتووە. پیاوی گەورە بۆ شتی بچووک دانانەوێتەوە.
ئەو پارەیەی ئەم مزگەوتە و هەر پڕۆژەیەکی تری لەم وڵاتەی پێدروست دەکرێت، هەمووی پارەی ئەم وڵاتەیە و لە شوێنێکی ئەمیندا هەڵگیراوە. پارەی ڕەقیب نییە لە بەرامبەر ملکەچبوون وەرگیرابێت، بۆیە: لە جیاتی قومارخانە مزگەوت و جادە و بەنداو و…هتد پێدروست دەکرێت. بۆچی ئاساییە فڕۆکەخانە بەناوی سەرکردەیەک بکرێت، بەڵام مزگەوتێک نا. بە من هەردووکیان ئاساییە بەڵام لای عەوام و جاشسیغە ئاسایی نییە.
نازانم ئەگەر بوغز و کینە نەبێت، مەگەر بۆچی خراپە کوردستانیش بچێتە ڕیزی ئەو دەوڵەتانەوە کە جوانترین یا گەورەترین مزگەوتی جیهان پێکدەهێنن؟ 
وەلحاڵ، پێگەی ئایین شتێکی وای کەمتر نییە لە پێگەی سیاسەت و ئابووری و هونەر و…هتد. لەبەر ئەوە گرنگە لە بواری ئایینیش وەبەرهێنان بکرێت. فاتیکان تا ئێستاش هەژموونی لەسەر ڕۆژئاوا هەیە، جامیعەی«ئەزهەر»لە(میسر)و جامیعەی«قوڕەوی»لە(مەغریب)سەردەمانێک و بگرە ئێستاش ناوێکی دیارن، مزگەوت و کڵێسا و پەرستگا بە گشتی برەوێکی باش ئەدەن وەبەرهێنان لە بوارەکانی کلتور و گەشتوگوزار و پەیوەندییەکان.
-هەر بمێنی«مەسرور بارزانی».
‏Luqman Biyarae