ئێران ڕێککەوتنی راگەیاند

عەباس عێراقچی وەزیری دەرەوەی ئێران، ڕای گەیاند كە تەواوی ئەجێندای كۆبوونەوەی سبەی دووشەم لە عومان، تەرخانكراوە بۆ ڕێڕەوی دەریایی نوێ لە گەرووی هورمز.
بەپێی لێدوانەكەی، نوێنەرانی حەوت وڵات بەشداری كۆبوونەوەكە دەكەن، پێنج وڵاتی كەناری كەنداوی فارس، عێراق و ئێران، بەڵام بەحرەین بەهۆی مەرجێكی پێشوەختە بەشداری ناكات. 
عێراقچی گوتی، ئێران و عومان لەسەر ڕێڕەوە نوێیەكە ڕێككەوتوون، نەخشەكانی ئامادە كراون و بەیاننامەی هاوبەشیش نووسراوە، ئەمانەش دواتر بۆ تۆماركردن لە چوارچێوەی میكانیزمەكانی ڕێكخراوی نێودەوڵەتی كەشتیوانی (IMO) پێشكەش دەكرێن.
عێراقچی بە ڕوونی گوتی، ئەم ڕێككەوتنە بە مانای كردنەوەی تەنگەی هورمز نییە، بەڵكو ڕێكخستنی ڕێڕەو و ڕێكارەكانی هاتوچۆی كەشتییەكانە كە ئەگەر مەرجەكانی كردنەوەی گەرووەكە دابین ببن، جێبەجێ دەكرێن.
ئەو دەڵێ‌، مەرجی ئێران بۆ كردنەوەی هورمز ئەوەیە ئەمەریكا بگەڕێتەوە بۆ پابەندبوون بەو بەڵێنانەی لە ئیسلامئاباد دا واژۆی كردووە و بە جێبەجێكردنی ئەو بەڵێنانە، دۆخی كەشتیوانی لە هورمز دەتوانێت بگەڕێتەوە بۆ دۆخی ئاسایی.