ئەرکی سەرەکی و بەرپرسیارەتی باڵای سەرۆ کۆماری عێراق نوێنەرایەتی کردن سەرجەم چینوتوێژە عێراقیەکانە بە هەرێمی کوردستان و کوردیشەوە.
پۆستی سەرۆک کۆمار لەوە دەرچووە بە قەد باڵای تەنیا یەک حزب دابتراشێ و موڵک و تاپۆی هیچ حزبێک و گرووپ و تاقمێکی دیاری کراو نیە.
دوای داڕمانی بەعس پۆستی سەرۆک کۆمار وەک ئیستیحقاق و گفتوگۆی چڕوپڕەوە بە کورد سپێردراو بۆ ئەم مەبەستەش سەرۆکی کۆچ کردووی یەکێتی مام جەلال توانی کەم تازۆر بە ئەرک و بەرپرسیارەتیەکانی خۆی هەڵسێ و نوێنەرایەتی سەرجەم عێراقیەکان بکات.
دوای مام جەلال بە داخەوە هەندێ ئاڕاستەی کەمینە لە ناو یەکێتی ئەم پۆستەیان بە موڵکی تاپۆکراوی خۆیان زانی و بەردەوام لە رێگەی مێدیاو گوتارێکی چەواشەکارانەوە تێگەیشتنێکی تەسکی حزبیانەیان دروست کردبوو، بە هیچ شێوەیەک بنەمای ڕاستی و دروستی نەبووە و نیە.
بەرهەم ساڵح نەک هەر نەیتوانی چەترێک بێت بۆ کۆکردنەوەی هەموو عێراقیەکان، بەڵکو تەنانەت نەیتوانی بە ئەرک و بەرپرسیارەتیە رەمزی و رووکەشیەکانی پۆستەکەشیەوە هەڵسێ و ئەم پۆستەی لە ناو چوارچێوەی دیوارەکانی کۆشکی کۆماریدا بەند کرد و نەیتوانی رۆڵێکی ئیجابی لە پانتای سنووری دەسەڵاتە دەستوریەکانیشەوە بگێڕێ.
وەڵام بدەوه