قەوارەی یاسایی و دەستووری هەرێم
بوونی کێشەو گرفت و ناهەمواریە سیاسی و ئابوریەکان لە هەموو کۆمەڵگا و وڵاتاندا هەن. هیچ سیستەمێکی حوکومرانی نادۆزیتەوە بە دەست دەیان کێشەوە گیری نەخواردبێ و رۆژانە وەک لەمپەر لەبەردەم گەشەی وڵات و پێشکەوتندا قوت نەبنەوە. بەڵام بوونی کێشەو گرفت و ئاستەنگ و لەمپەرەکان نابنە هۆی ئاوات خواستن بە وێران بوونی وڵات و داڕمانی کۆمەڵگاو هان دانی هاوڵاتیان بە ئاڕاستەی نانەوەی ئاژاوەو گێرەشێوێنی و دەبگ پەیا کردن و تێکدانی ئاسایشی کۆمەڵاتیەوە.
هەرێمی کوردستان قەوارەیەکی یاسایی و دەستووریە و بۆ هەمووانە و هەمووانیش خاوەنینی. هەر حزب و دەسەڵات و ئایدیۆلۆژیایەک لەسەر حوکم بێت، پاراستنی قەوارەی هەرێم وەک کیانێکی دەستوری و یاسایی ئەرکی سەر شان و بەرپرسیارەتیێکی نیشتیمانی و نەتەوەییە.
هیواخواستن بە ڕمانی ماڵ و سەرپەناو نیشتیمان بەهەر پاساوەکەوە بێت، سوکایەتی کردنە بە نیشتیمان و خزمەت کردنە بە نەیارانی کوردەوە.
گەورەترین زیان لە مێژووی سیاسی کورد بەر کورد کەوتبێ، هەمیشە بەشێکی سەرەکی خودی کورد دەستی تیادا هەبووە. بەداخەوە کورد نەیاری ناوەخۆی لێ نابڕێ و پرۆکسیە ئیقلیمیە بەکرێ گیراوە ناوەکیەکان نەبن، دەمێک بوو بە ئامانجە باڵاو نیشتیمانی و نەتەوەییەکانی گەیشتبوو.
وەڵام بدەوه