پرۆسەی چاکسازی و نوێبوونەوەو ریفۆرم لە دونیای مۆدێرن و هاوچەرخدا، پرۆسەیەکی بەردەوام و بێ پچڕانە. پرۆسەیەکە بە شەوو رۆژێک ناگاتە ئەنجام و پشوو درێژی و ئارمگرتنی گەرەکە.
لە دونیای هاوچەرخ و بە دیاریکراوی لە حوکمرانی مۆدێرندا، نۆژەنکردنەوەو ریفۆرم و چاکسازیە ئیداریەکان بەردی بناغەی حوکمرانیەکی رەشیدو سەرکەوتوون.
نوێبوونەوەو ئاپدەیتی ئیداری لە بوارە ئیداری و کارگێریەکان حەقیقەت و پێداویستیەکی حاشاهەڵنەگرو حەتمین و هێمان بۆ سەرڕاستی و ڕاستگۆیی و نیازپاکی هەرەمی دەسەڵات لە بەرەو پێشەوە بردنی سیستەمی حاکمیەت و گۆڕانکاری کردن لە چەمکە کلاسیکیەکانی حوکمرانی و گەڵاڵەکردنی جۆرێکی تازە لە تێگەیشتن لە چەمک و مەفاهیمی ئیدارەی سەرکەوتوو.
سەرۆکی حکومەت بە لەبەرچاوگرتنی دۆخی کۆمەڵگاو گەشەی خێرای ژمارەی دانیشتوان و فشارەکانی سەر کەرتی ئیدارە و کارگێریەوە، دەمێکە قۆڵی بە هاوچەرخ کردنی سیستەمی ئیدارە و بەڕێوەبردن و بەڕێوەچوون و رایی کردنی کاروباری هاوڵاتیانی لێ هەڵماڵیوە.
هەرلە ژێر رۆشنایی ئەم تێگەیشتن و روئیا و دیدە هاوچەرخەوە، سەرۆکی حکومەت توانیویەتی مەودایەکی زۆر لە رووی بە ئەلەکترۆنی کردنی گرێبەستەکان و رایی کردنی کاروباری رۆژانەی هاوڵاتیان ببڕێ و سیمایەکی هاوچەرخ و جوان بە سیستەمی ئیداریەوە ببەخشێ.
هەڵبەت هیچ پرۆسەو پرۆژەو هەوڵێکی نوێبوونەوەو تازەگەری و چاکسازی لە دەسپێکدا بێ گرێی و گۆل و کێشەو ئاستەنگ نابێ و پێویستی بە پشوودرێژی و ئارامگرتنی هاوڵاتیانە بۆ دەرکەوتن و بەدەستەوەدانی دەرەنجامە باشەکانی ئەم جۆرە هەوڵانە.
وەڵام بدەوه