دۆخی تێک چڕژاوو ئاڵۆزکاوی ئێستای عێراق لە هێزو لایەن و جەماوەری کوردستان یەکڕیزی و تەبایی دەخوازێ نەک دووبەرەکی و زەق کردنەوەی ناکۆکیەکان و ۆەرتەوازەیی.
بارودۆخی ناوەخۆی عێراق هیچ کات بە قەد ئێستا نەکەوتۆتە ژێر هەژمونی ئەمریکاو ئێرانەوە. هێزە سیاسیە عێراقیەکان هەر کامەیان لە هاوکێشە سیاسیەکانی دۆخی ئێستادا بە لایەکدا کەوتوون و وادیارە خۆیان یەکلا کردۆتەوە.
پێویستە کورد خوێندنەوەیەکی قوڵ و وردو لۆژیکی بۆ ئەم دۆخە تازەیە بکات و لەسەر بنەمای ئەم خوێندنەوەیەوە، ستراتیژی هەنگاوەکانی داهاتووی بۆ چۆنیەتی مامەڵەکردن لەگەڵ بارودۆخە تازەکەدا دابرێژێ.
خوێندنەوەی کورد گەرەکە گرینگیدان بێ بە پاراستنی قەوارەی هەرێم و لەبەرچاوگرتنی بەرژەوەندی گشتی هاوڵاتیان و رێگری کردن لە شڵەژان و تێکچوونی دۆخی هەرێم و گواستنەوەی ئاڵۆزیەکانی بەغدا بۆ ناوەخۆی هەرێمی کوردستان.
وەڵام بدەوه