نکۆڵی ناکرێ پرسی سەرۆک کۆمارێکی کورد لە دە مانگی رابردوودا زیاد لە جارێک ورووژێندراوەە خراوەتە رۆژەڤی پرسە سیاسیەکانی هێزولایەنەکوردستانیەکانەوە.
سەرۆک کۆماری کورد هەر ئەوەنیە لەسەر نفوس و پێناسە عێراقیەکەی بە رەگەز کورد بێت. سەرۆک کۆماری کورد پێویستە بەدەر لە پۆست و ئەرک و بەرپرسیارەتیە نیشتیمانیەکان و نوێنەرایەتی کردنی گشت پێکهاتەکان، دیوەکوردیەکەیشی بەرجەستە بکات و لە پاڵ ئەرکەکاندا کوردستانیانە بیربکاتەوە کوردانە هەنگاو بنێ.
سەرۆک کۆماری کورد بەرلە هەرشتێک نوێنەرایەتی کورد لە ناوەند دەکات و لوتکەی هەرە سیادی حوکم و هێمای نیشتیمانە بە هەموو پێکهاتە ئەتنیەکانیەوە.
لەوپرسانەی پەیوەستن بە کاروباری هەرێمی کوردستان و نەتەوەی کوردەوە، دەبێ کوردانە رەفتار بکات و بۆ پرسە کوردستانیەکان بە پەرۆش بێت و هەوڵی دۆزینەوەی چارەسەر بدات و لەژێر دەمامکی بێ لایەنیدا خۆی نەدزێتەوەو بە ئەرک و بەرپرسیارەتی ڕاستەقینەی خۆی هەڵسێ و کێشەکان دیزەبەدەرخونە نەکات.
وەڵام بدەوه