ئەوەی پ ک ک دەیکات بە هیچ عەقڵ مەنتقێک ناچێتە خانەی خەبات و کوردایەتیەوە.
رێگەگرتن لە ئاوەدان کردنەوەی گوندە دوورەدەستەکانی ناوچە شاخاویەکان و بە لاتەریک هێشتنەوەی بەشێکی بەرچاوی جوغرافیای هەرێمی کوردستان و باج و سەرانە سەندن لە گوندنشینان و رفاندن و ترس و تۆقاندن و بڵاوکردنەوەی پروپاگندەی چەواشەکاری و پەلکێش کردنی سوپای تورک، لەو ئاکارە قێزەوەنانەی پ ک ک و سەرانی ئەم بزاڤەن.
هیچ بزوتنەوەیەکی شۆڕشگێڕی خاوەن دیدگایەکی پراگماتیک و واقعگەرا رێگە بە خۆی نادات گۆڕەپانی خەبات و ململانێی سیاسی و شەڕی چەکداری خۆی بگوازێتەوە هەرێمێک، هێشتا ئاسەواری هەفتا ساڵ جەنگ و ماڵوێرانی بە سیمایەوە دیارەو ئێستاشی لەگەڵدابێ نەبۆتە خاوەن قەوارەیەکی سیاسی سەربەخۆوە.
ئەو سیاسەتەی پ ک ک تەبەنی دەکات و زیاتر لە چڵ ساڵە گرتوویەتە بەر، بەرهەمەکەی تەنیا ماڵوێرانی و پاشاگەردانی و بە کوشت دانی رۆڵەی کوردی داماوە لە پێناو خزمەت کردنی بە دەزگاو دامەزراوە هەواڵگریە ئیقلیمیەکان و تۆزقاڵێک خزمەت بە دۆزی رەوای کورد ناکات.
وەڵام بدەوه