دەمێکە ئەو بەها و ئاکارو نەریتە جوانە کۆمەڵایەتی و ئایینیانەی سەردەمانێک شانازیمان پێوەدەکردن کەوتوونەتە بەر دەم چەقۆی تەوژمێکی ناشرین و نامۆ بە کۆمەڵگای کوردیەوە.
ئازادی و فرەیی و کرانەوەی کوردستان دەرفەتی خۆ دەرخستنی بۆ کەسانێکی هەلپەرەست و بەرژەوەندچیەوە رەخساند بە ئارەزووی خۆیان و لە ژێر ناوی ئازادی و دیموکراسی و مافی ئافرەتدا چی بەهاو نەریتی جوانی کۆمەڵایەتی و ئایینی هەیە هاوردەی جڤاکی کوردی بکەن.
جڤاکی کوردی بەدەر لەو قەیران و هێرشانەی لە لایەن تیرۆریست و نەیارانەوە لە ساڵانی رابردوو کرانە سەری و لە لایەکی ترەوە ئەو هێرشە بەربڵاوە فەرهەنگیەی لە رێگەی سۆشیال مێدیای بێگانەو تیڤیەکانەوە کرانەسەری تا ئاستێکی مام ناوەندی توانی بەرگە بگرێ.
بەڵام بەرگە گرتنەکە لە شوێنێک چیتر توانای بەرپەرچ دانەوەی فشارەکانی نەبوو. هێنانی دیاردەی کچە مۆدێل بۆ جڤاکێکی نەریتگەرای وەک کوردستان نەک هەر زۆربەی بەها کۆمەڵایەتی و خێزانیەکانی هەڵتەکاند، بەڵکو شیرازەی خێزان و کۆمەڵگاو پەروەردەو دۆخی گشتیشی خستە ژێر هەژموونی خۆیەوە.
زۆر زەروورە سەرقاڵ کردنی رووبەری ژیان و خەڵک و خێزان و سیاسیەکان بە دیاردەی فرەرەهەندی کچە مۆدێلەکان و داگیر کردنی پانتای کۆمەڵگا بە کچە مۆدێلەکان لە شوێنێک بوەستێنرێ و رێگەنەدەری ئەم دیاردە نەشازە بکرێ بە مۆرک و هێمای ناسینەوەی کۆمەڵگای کوردیەوە.
وەڵام بدەوه