بەردی بناغەی بە دامەزراوەیی کردنی جڤاکی کوردی گەڵاڵەکردنی جۆرێکە لە هۆشیاری یاسایی، کۆمەڵایەتی و سیاسیەوە.
هەرکۆمەڵگایەک خاوەنی کۆمەڵێک تایبەتمەندی ناوەکیە. لەوانە جۆری پێکهاتەی دانیشتوان، پێشینەی کۆمەڵایەتی تاکەکان، دۆخی پەروەردەو جۆری سیستەمی پەروەردەو ڕاهێنان و عەقڵیەت و دونیابینی تاکەکان دهەمبەر ژیان و شارستانیەت و گۆڕانکاری و پێشکەوتن.
گەشەی خێرای دانیشتوان لەو وڵاتانەی کەوتوونەتە سەر رێچکەی گەشە سەندن و هەوڵدان بۆ پێشکەوتن لەو بوارانەی پەیوەندی ڕاستەوخۆیان بە ژیانی مرۆڤەوە هەیە، کێشەیەکی گەورەیە.
گەشەی خێرا و کۆنترۆڵ نەکراو و هەڕەمەکی لە هەر کۆمەڵگایەک بە گەورەترین ئاستەنگ لەبەردەم پرۆسەی هۆشیاری گشتی تاکەکان دادەنرێت و ئەشێ لە دوور مەودادا دەسەڵات و حوکومەت بخاتە بەردەم کۆمەڵێ کێشەوە، چارەسەرکردنیان زەحمەت بێت.
کۆنترۆڵ کردنی ڕێژەی دانیشتوان لەهەر کۆمەڵگایەک بەندە بەوەی حوکومەت لە رێی پرۆگرامە پەروەردەییەکان و بەکارهێنانی سۆشیال مێدیا و دەزگا پڕ بینەرەکانی بینراوو بیسراوو نووسراوەوە جڤاک لە مەترسیەکانی گەشەی خێراو کۆنترۆڵ نەکراوی رێژەی لەدایکبوونەوە ئاگادار بکاتەوەو مەترسیە درێژخایەنەکانی ئەم پرسە لە رووی ئابوری و کۆمەڵایەتی و پەروەردەوە بخاتە بەرچاوەوەو رێگەی چارەی پێویستیان بۆ دابنێت.
وەڵام بدەوه